اقش كورەي حالىقتىق-دەموكراتيالىق رەسپۋبليكاسى يادرولىق قارۋدان باس تارتقان جاعدايدا ونىڭ ەكونوميكالىق ماسەلەلەرىن شەشۋگە كومەكتەسەدى. بۇل تۋرالى اقش-تىڭ مەملەكەتتىك حاتشىسى مايك پومپەو وڭتۇستىك كورەيانىڭ سىرتقى ىستەر مينيسترىمەن بولعان ءباسپاسوز كونفەرەنتسياسىندا مالىمدەدى، دەپ حابارلايدى «euronews.com» اگەنتتىگى.
پومپەونىڭ سوزىنشە، ونىڭ پحەنيانعا جاساعان ءىسساپارىنىڭ باستى ماقساتى —كورەي جارتى ارالىن يادرولىق قارۋسىزداندىرۋ. ول كحدر باسشىسى كيم چەن ىنمەن «مازمۇندى» ءارى «جاقسى» اڭگىمە وربىگەنىن دە تىلگە تيەك ەتتى.
ەسكە سالايىق، اقش-تىڭ مەملەكەتتىك حاتشىسى مايك پامپەو پحەنيانعا رەسمي ساپارمەن بارعان ەدى. ءىسساپار قورىتىندىسى بويىنشا، سولتۇستىك كورەيا امەريكالىق ءۇش ازاماتتى ازات ەتكەن بولاتىن. ال ونىڭ وسى ساپارىنان كەيىن اقش پرەزيدەنتى دونالد ترامپ سولتۇستىك كورەيا باسشىسى كيم چەن ىنمەن 12 ماۋسىمدا سينگاپۋردە كەزدەسەتىنىن مالىمدەدى.
ەكىجاقتى كەلىسسوزدەردەن كەيىن ەكى ترامپ پەن كيم ەكى ەل اراسىندا 1953 جىلدان بەرى قاعاز جۇزىندە جالعاسىپ كەلە جاتقان سوعىسقا نۇكتە قويۋ تۋرالى بەيبىت كەلىسىمشارتقا 2018 جىلدىڭ سوڭىندا قول قوياتىندىقتارىن حابارلاعان ەدى.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن