اقىن ىقىلاس وجايۇلى. فوتو: جەكە مۇراعاتىنان.

وسىدان بۇرىن 2017 جىلعى «رۋح» ادەبي بايقاۋىنىڭ جۇلدەگەرلەرىنىڭ شىعارمالار جيناعى، ادەبي ەڭبەكتەرى جارىق كورىپ، قالام ارتقان قازاق اقىن-جازۋشىلارىنىڭ سوڭعى تولقىنى كەڭ كولەمدە وقىرماندارمەن قاۋىشقان ەدى. سول قاتاردا اقىن، پۋبليتسيست، الاشتانۋشى ىقىلاس وجايۇلىنىڭ «قالام ۇشىنا تۇنعان سىر» اتتى ەڭبەگى جارىق كوردى. كىتاپ تۇساۋكەسەرى استانا قالاسىندا بولدى جانە شىعارما اۆتورلارىمەن كەزدەسۋلەر وتكىزىلدى. ى. وجايۇلىنىڭ شىعارماشىلىق ىزدەنىسىنەن تۋعان ەڭبەگى ادەبي ورتا مەن كوزقاراقتى وقىرمان اراسىندا قىزۋ قارسى الۋعا بولەندى.

وسىعان ورايدا «The Qazaq Times» اقپاراتتىق، قوعامدىق-ساياسي پورتالى مەن قازۇۋ جۋرناليستيكا فاكۋلتەتىندەگى  م. سەرالين اتىنداعى شىعارماشىلىق بىرلەستىك جانە «جاھانگەر» ينتەلەكتۋالدى كلۋبى بىرلەسە وتىرىپ، الماتىداعى وقىرمان قاۋىمعا ىقىلاس وجايۇلىمەن شىعارماشىلىق كەزدەسۋ ۇيىمداستىرماق. كەزدەسۋدە اقىننىڭ «قالام ۇشىنا تۇنعان سىر» اتتى ەڭبەگى وقىرماندارىمەن قاۋىشتىرىلىپ، اۆتورمەن سىر شەرتىلمەك. ىقىلاس وجايۇلىنىڭ ورىنداۋىندا سارىنى بولەك، ساف تۇما اندەردەن سازدى شاشۋ بولماق.

شىعارماشىلىق كەزدەسۋگە بارلىق كوزقاراقتى وقىرمان مەن قالامگەر زامانداستارىن، باق-تاعى ارىپتەستەردى شاقىرامىز!

ورنى: ءال-فارابي اتىنداعى قازۇۋ جۋرناليستيكا فاكۋلتەتى، 230.

ۋاقىتى: 12 مامىر، 15:00-دە.

“The Qazaq Times”