دارىگەر بورنستەين: ترامپ دەنساۋلىعىنا قاتىستى انىقتامانى ويدان شىعاردى

اقش پرەزيدەنتى دونالد ترامپتىڭ بۇرىنعى دارىگەرى حارولد بورنستەين، ترامپتىڭ دەنساۋلىعىنا قاتىستى 2016 جىلى پرەزيدەنت سايلاۋىنان بۇرىن جاريالانعان انىقتامانى ءوزىنىڭ جازباعانىن، ونى ترامپتىڭ جازدىرعانىن ايتتى، دەپ حابارلايدى، "yeniakit.com" حالىقارالىق اقپارات اگەنتتىگى.

CNN تەلەارناسىنا بەرگەن سۇحباتىندا وسىلاي دەگەن دارىگەر، دونالد ترامپ پرەزيدەنت تاعىنا وتىرعانشا ونىڭ جەكە دارىگەرى مىندەتىن اتقارعان. كوپشىلىك ءۇشىن توسىن جاڭالىققا اينالعان وسى حاباردى مالىمدەگەن دارىگەر، «ەگەر، سايلاۋدا د.ترامپ جەڭىسكە جەتسە، ول بۇگىنگە دەيىن ەل باسقارعان پرەزيدەنتتەردىڭ ىشىندەگى دەنساۋلىعى ەڭ مىقتى پرەزيدەنت بولار ەدى» ، - دەگەن مازمۇنداعى دارىگەرلىك انىقتامانى ءوزى جازباعانىن ايتقان.

بورنستەيننىڭ ايتۋىنشا، ترامپتىڭ جەكە وققاعارى كەيىن ودان ترامپتىڭ دەنساۋلىعىنا قاتىستى قۇجاتتاردى ۇرلاپ العان. ترامپتىڭ بۇرىنعى دارىگەرىنىڭ پرەزيدەنتتىڭ بۇنداي قۇپياسىن نەگە جاريالاعانى ەشكىمگە بەلگىسىز.  ال، 1 مامىر كۇنى وتكەن بريفينتە اقش پرەزيدەنتىنىڭ ءباسپاسوز حاتشىسى سارا ساندەرس، اق ءۇيدىڭ وسى قۇجاتتى بەكىتىلگەن تارتىپپەن العانىن ايتقان.

“The Qazaq Times”