ابباس: يەرۋساليمسىز بەيبىتشىلىك جوق، گازاسىز مەملەكەت جوق

پالەستينا مەملەكەت باسشىسى ماحمۇد ابباس مالىمدەمە جاساپ، يەرۋساليمسىز ەشقانداي بەيبىتشىلىك بولمايتىنىن، گازاسىز ەشقانداي مەملەكەتتىڭ دە بولمايتىنىن اتاپ كورسەتتى. بۇل تۋرالى «شينلاڭ» اقپاراتتىق اگەنتتىگى حابارلادى.

ماحمۇد ابباس اتالعان مالىمدەمەسىن، باتىس شەرياداعى راماللاح قالاسىندا وتكەن پالەستينا ۇلتتىق كەڭەستىنىڭ 23-ءشى كەزەكتى جينالىسىندا ورتاعا سالدى. ول سوزىندە: «يەرۋساليمسىز ەشقانداي بەيبىتشىلىك بولمايدى. وعان قوسا گازادا ءبىر مەملەكەتتىڭ قۇرىلۋى مۇمكىن ەمەس، ال گازاسىز دا ەشقانداي مەملەكەت بولمايدى»، – دەدى.

پالەستينا ۇلتتىق كەڭەسىنىڭ كەزەكتى ماجىلىسىندە يەرۋساليم پالەستينا مەن يزرايل اراسىنداعى بەيبىتشىلىك پەن كەلىسىمنىڭ بىردەن ءبىر كەپىلى ەكەنىن، ال ءبىر عانا گازانى مەملەكەت ەتىپ قۇرۋدىڭ نەگىزى جوق ەكەنىن، الايدا، گازاسىز پالەستينادا بولمايتىنى ءبىر اۋىزدان ماقۇلداندى.

“The Qazaq Times”