ترامپ پەن مەتتيس. فوتو: گولوس امەريكي.

پەنتاگون باسشىسى جەميس مەتتيس كەشەگى مالىمدەمەسىندە، قازىرگە دەيىن اقش تارابى 2015 جىلعى يران يادرولىق كەلىسىمىندە قالۋ-قالماۋ تۋرالى شەشىم قابىلداماعانىن، دەگەنمەن قۇراما شتات ەۋروپالىق وداقتاستارىمەن بۇل تۋراسىندا كەلىسسوزدەر جۇرگىزىپ، كەلىسىمدى جەتىلدىرۋدىڭ جولدارىن قاراستىرىپ جاتقانىن مالىمدەدى. بۇل تۋرالى VOA باسىلىمى حابارلادى.

اقش قورعانىس ءمينيسترلى سوزىندە: «قازىرگى ۋاقىتتا كەلىسىمدە قالىپ، جالعاستى قولداۋ كورسەتۋ مەن وزگەرىستەر ەنگىزۋ نەمەسە پرەزيدەنت ايتقانداي كەلىسىمنەن باس تارتۋ تۋرالى سوڭعى شەشىم قابىلدانعان جوق. اقش ءۇشىن يران يادرولىق كەلىسىمى – تەك قانا قارۋ-جاراقتى باقىلاۋدىڭ كەمەلسىز ءبىر كەلىسىمى»، – دەدى.

فرانتسيا پرەزيدەنتى ەممانۋەل ماكرون وسى اپتادا قۇراما شتاتتا مەملەكەتتىك ساپاردا بولدى. ول سارسەنبى كۇنى اقش-تا جاساعان بايانداماسىندا، پرەزيدەنت ترامپتىڭ يران يادرولىق كەلىسىمىنە قاتىستى كوزقاراسىنا سىن-پىكىرىن بىلدىرگەن. ول سوزىندە: «ءبىز قۇراما شتاتتىڭ قانداي قادام جاسايتىنىن بىلمەيمىز، بىراق پرەزيدەنت ترامپتىڭ سوزدەرىن تالداي كەلە، مەن اقش-تىڭ يران يادرولىق كەلىسىمىن ساقتايتىنىنا سەنە المادىم»، – دەدى.

يران يادرولىق كەلىسىمىندە قالۋ، الدە سانكتسيالاردى قالپىنا كەلتىرۋ شەشىمىن قابىلداۋ ءۇشىن ترامپتا 12 مامىرعا دەيىن ۋاقىت بار. 2015 جىلى يرانعا باعىتتالعان سانكتسيالار 6 ەل قول قويعان كەلىسىمنەن كەيىن ۋاقىتشا توقتاتىلعان بولاتىن.

“The Qazaq Times”