Трамп пен Мэттис. Фото: Голос Америки.

Пентагон басшысы Жемис Меттис кешегі мәлімдемесінде, қазірге дейін АҚШ тарабы 2015 жылғы Иран ядролық келісімінде қалу-қалмау туралы шешім қабылдамағанын, дегенмен Құрама Штат еуропалық одақтастарымен бұл турасында келіссөздер жүргізіп, келісімді жетілдірудің жолдарын қарастырып жатқанын мәлімдеді. Бұл туралы VOA басылымы хабарлады.

АҚШ Қорғаныс министрлі сөзінде: «Қазіргі уақытта келісімде қалып, жалғасты қолдау көрсету мен өзгерістер енгізу немесе президент айтқандай келісімнен бас тарту туралы соңғы шешім қабылданған жоқ. АҚШ үшін Иран ядролық келісімі – тек қана қару-жарақты бақылаудың кемелсіз бір келісімі», – деді.

Франция президенті Эммануэль Макрон осы аптада Құрама Штатта мемлекеттік сапарда болды. Ол сәрсенбі күні АҚШ-та жасаған баяндамасында, президент Трамптың Иран ядролық келісіміне қатысты көзқарасына сын-пікірін білдірген. Ол сөзінде: «Біз Құрама Штаттың қандай қадам жасайтынын білмейміз, бірақ президент Трамптың сөздерін талдай келе, мен АҚШ-тың Иран ядролық келісімін сақтайтынына сене алмадым», – деді.

Иран ядролық келісімінде қалу, әлде санкцияларды қалпына келтіру шешімін қабылдау үшін Трампта 12 мамырға дейін уақыт бар. 2015 жылы Иранға бағытталған санкциялар 6 ел қол қойған келісімнен кейін уақытша тоқтатылған болатын.

“The Qazaq Times”