قاي قالادا ءۇي ارزان؟

ءساۋىر ايىندا قازاقستاننىڭ بارلىق ايماعىندا باسپانا باعاسى ارزاندادى. تۇرعىن ۇيلەر قىمبات سانالاتىن استانا مەن الماتى قالالارىندا دا باعانىڭ تومەندەۋى بايقالدى. بۇل تۋرالى krisha.kz پورتالى مالىمدەدى.  

ماسەلەن، استاناداعى ۇيلەردىڭ ءبىر شارشى مەترى ورتاشا ەسەپپەن 327 مىڭ تەڭگەگە باعالانعان. پاتەر قۇنى ناۋرىز ايىمەن سالىستىرعاندا 0,7 پايىزعا تومەندەپتى. ال، الماتىداعى پاتەرلەردىڭ شارشى مەترى 339 مىڭ تەڭگە توڭىرەگىندە. وسى تۇستا، ماماندار قازاقستانداعى ەڭ ارزان ۇيلەردىڭ قاي قالادا ساتىلاتىنىن انىقتادى. زەرتتەۋشىلەردىڭ پىكىرىنشە، باعاسى تومەن  پاتەردى اقتوبە قالاسىنان الۋعا بولادى. ونداعى ۇيلەردىڭ شارشى مەترى 152 مىڭ تەڭگەدەن ساتىلىپ جاتىر. سونداي-اق، تاراز، پاۆلودار، سەمەي جانە وسكەمەندەگى ۇيلەر دە باعاسى ارزان باسپانالاردىڭ تىزىمىندە.

“The Qazaq Times”