تايلاند پەن ۆەتنام وڭتۇستىك قىتاي تەڭىزىندە بىرلەسكەن وقۋ-جاتتىعۋ وتكىزدى

ۆەتنام مەن تايلاند تەڭىز كۇشتەرى وڭتۇستىك قىتاي تەڭىزىندە بىرلەسكەن اسكەري وقۋ-جاتتىعۋ وتكىزدى. حابارعا قاراعاندا، جاتتىعۋعا ۆەتنام تارابىنان حالىق ارمياسى تەڭىز كۇشتەرىنە قاراستى № 264 جانە № 265 فلوتى، تايلاند تارابىنان № 432 جانە № 525 فلوتى قاتىسقان. بۇل تۋرالى «شينلاڭ» اقپاراتتىق سايتى حابارلادى.

بۇل جاتتىعۋ ەكى ەل اراسىنداعى 37 رەتكى بىرلەسكەن وقۋ-جاتتىعۋ. ەكى ەل تەڭىز كۇشتەرى تەڭىزدەگى ىزدەستىرۋ، قۇتقارۋ، شابۋىلعا ءوتۋ سىندى جاتتىعۋلارعا ەڭ وزىق اسكەري كەمەلەرىن قاتىستىردى.

تايلاند پەن ۆەتنام ەلدەرى مەن قىتاي اراسىندا وڭتۇستىك قىتاي تەڭىزىندەگى يەلىك قۇقىق تۋراسىندا قايشىلىقتار بار. وڭتۇستىك قىتاي تەڭىزىنە شەكتەسەتىن ەلدەردىڭ كەمەلەرى ءجيى ۇشىراسىپ قالىپ جاتادى. اسكەري كەمەلەردىڭ كەزدەسىپ قالۋى كەيدە داۋ-جانجالعا ۇلاسقانى دا بار.

2014 جىلى ساۋىردە قىتايدا وتكەن تىنىق مۇحيتىنىڭ باتىس جاعالاۋى ەلدەرىنىڭ فورۋمىندا (WPNS) «تەڭىزدەگى جازاتايىم وقيعالار تۋرالى ەرەجە» قابىلداندى. بۇل اتالعان فورۋمعا قاتىسقان 20 ەلدىڭ اسكەري كەمەلەرىنىڭ كەزدەيسوق كەزدەسۋى كەزىندەگى ارەكەتتەرگە نۇسقاۋ بەرگەن. دەگەنمەن، ۆەتنام، فيليپپين، يندونەزيا، تايلاند ەلدەرى قىتايدىڭ وڭتۇستىك قىتاي تەڭىزىندەگى ارەكەتتەرىنە نارازىلىق تانىتىپ كەلەدى.

“The Qazaq Times”