وتكەن اپتادا قىتاي اۋە كۇشتەرى قاتارىنان ەكى كۇن تايۋان (تايۆان) اۋە كەڭىستىگىنە باسىپ كىرگەننەن كەيىن، بۇعان جاۋاپ رەتىندە اقش پەن بريتانيا باستاعان 6 مەملەكەتتەن 17 كەمە وڭتۇستىك قىتاي تەڭىزىندە بىرىككەن اسكەري جاتتىعۋ وتكىزدى. كەمەلەردىڭ قاتارىندا اقش پەن بريتانيانىڭ ءۇش بىردەي الىپ اۋە تاسىمال كەمەسى دە بولدى.
جاپونيا، كانادا، نيدەرلاندى جانە جاڭا زەلانديادان كەلگەن بارلىعى 17 كەمە وكيناۆانىڭ وڭتۇستىك -باتىسىندا فيليپپين تەڭىزىندە كەزدەسىپ، بىرلەسكەن جاتتىعۋلار وتكىزدى. جاتتىعۋدا اقش-تىڭ USS رونالد رەيگان، USS كارل ۆينسون اۋە تاسىمال كەمەلەرىمەن بىرگە كورولدىك تەڭىز فلوتىنىڭ پاتشايىمى «ەليزاۆەتا» اتىنداعى الىپ كەمەسى دە بولعان.
بۇل بىرلەسكەن اسكەري جاتتىعۋعا اقش ەكى ۇشاق تاسىمالداۋشىدان تىس ءۇش ەسمينەتس پەن ءبىر كرەيسەر جىبەرگەن.
جاتتىعۋ وتكىزگەن ەلدەر ادەتتەگىسىندەي جاتتىعۋدىڭ ماقساتىن «اشىق جانە ەركىن تىنىق مۇحيت ايماعىن قورعاۋ» دەپ ءبىلدىردى. دەگەنمەن، بۇل اقش باستاعان تىنىق مۇحيتتاعى وداقتاستار مەن قىتاي اراسىنداعى شيەلەنىستىڭ تاعى ءبىر دەڭگەيگە كوتەرىلگەنىن كورسەتتى.
اقش پەن قىتايدىڭ ءۇندى جانە تىنىق مۇحيت ايماعىنداعى تەكە-تىرەسى وزگە دە ەلدەردى قامتىپ وتىر. بۇگىنگى تاڭدا ايماقتاعى ەڭ ماڭىزدى سۋ جولى سانالاتىن وڭتۇستىك قىتاي تەڭىزى مەن تايۋان بۇعازى قاقتىعىس قاۋىپى ەڭ جوعارى ايماققا اينالدى. ءوز كەزەگىندە بۇل قىتايدىڭ ىشكى ءوندىرىسى مەن سىرتقى ساۋداسىنا دا ۇلكەن كەدەرگى اكەلىپ وتىر.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى