فوتو: ريا نوۆوستي

رەسەي تاجىكستان مەن قىرعىزستانداعى بازالارىنىڭ اسكەري قۋاتىن ارتتىرۋدا – دەپ حابارلايدى ca-news اقپارات اگەنتتىگى.

ءساۋىر ايىنىڭ 24-ءى كۇنى قىتايدىڭ بەيجىڭ قالاسىندا وتكەن شانحاي ىنتىماقتاستىق ۇيىمىنا مۇشە ەلدەردىڭ قورعانىس ءمينيسترلىرىنىڭ باس قوسۋىندا رەسەي قورعانىس ءمينيسترى سەرگەي شويگۋ اۋعانستان ماسەلەسىنە بايلانىستى مادىمدەمە جاسادى. وندا ول: «رەسەي قورعانىس مينيسترلىگى اۋعانستاننىڭ سولتۇستىك اۋداندارىنان تاجىكستان مەن قىرعىزستان سياقتى وداقتاس مەمدەكەتتەردىڭ اۋماعىنا تەرروريستەردىڭ كىرىپ كەتۋ قاۋپىنىڭ الدىن الۋ ءۇشىن ءتيىستى شارالار قابىلداۋدا. وسى ماقساتتا تاجىكستان مەن قىرعىزستانداعى رەسەي بازالارىنىڭ اسكەري قۋاتتى ارتتىرىلۋدا جانە جاڭادان ارنايى تەحنيكالار جەتكىزىلۋدە. قىركۇيەك ايىندا قازاقستان، قىرعىزستان، رەسەي جانە تاجىكستان اۋماقتارىندا تەرروريزمگە قارسى ارنايى اسكەري وقۋ-جاتتىعۋ جۇمىستارىن وتكىزبەكپىز» - دەگەن.

ەستەرىڭىزگە سالايىق، شانحاي ىنتىماقتاستىق ۇيىمى 2001 جىلى قۇرىلعان. وعان وزبەكستان مەن تۇركىمەنستاننان وزگە ورتالىق ازياداعى ءۇش مەملەكەتتىڭ ۇشەۋى دە مۇشە. 2017 جىلى ماۋسىم ايىنىڭ 9-ى كۇنى ۇيىمعا تولىققاندى مۇشە بولىپ ءۇندىستان مەن پاكىستان قابىلدانعان.

“The Qazaq Times”