«ۇلكەن جەتىلىك» رەسەيگە قارسى سانكتسيانى كۇشەيتپەك

«ۇلكەن جەتىلىك» رەسەيگە قارسى سانكتسيانى كۇشەيتپەك –دەپ حابارلايدى نەمىس تولقىنى اقپارات اگەنتتىگى.

اگەنتتىك مالىمەتىنشە، 23 ءساۋىر كۇنى G7 ەلدەرىنىڭ سىرتقى ىستەر مينيسترلەرى رەسەي سانكتسياسىنا بايلانىستى باس قوسۋ وتكىزگەن. باس قوسۋدان كەيىن ءساۋىر ايىنىڭ 23-ىنەن 24-ىنە قاراعان ءتۇنى «ۇلكەن جەتىلىك» ەلدەرى رەسەيگە قاتىستى سالىنعان سانكتسيالارعا بايلانىستى قۇجاتتى جاريالاعان. وندا G7 ەلدەرىنىڭ رەسمي ماسكەۋدىڭ ۋكراينا ماسەلەسىنە بايلانىستى مينسك كەلىسىمىن ورىنداماعان جاعدايدا سانكتسيانى ودان ارى كۇشەيتەتىندىكتەرى جونىندە ايتىلعان.

بۇدان بولەك اتالمىش قۇجاتتا «ۇلكەن جەتىلىك» ەلدەرى رەسەيدى وزگە ەلدەردىڭ دەموكراتيالىق قۇندىلىقتارىنا قول سۇقتى دەپ ايىپتاعان جانە بۇعان قاتىستى ءتيىستى شارالار قولداناتىندىقتار مالىمدەگەن.

“The Qazaq Times”