جاپونيا رەسەيگە كۋريل ارالدارى ماڭىندا اسكەري وقۋ-جاتتىعۋ جۇمىستارىن وتكىزگەنى ءۇشىن قارسىلىق ءبىلدىردى – دەپ حابارلايدى Kyodo اقپارات اگەنتتىگى.

جاپونيا مينيسترلەر كابينەتىنىڭ حاتشىسى ەسيحيدە سۋگانىڭ سوزىنشە، توكيو رەسمي ماسكەۋگە رەسەي قارۋلى كۇشتەرىنىڭ داۋلى ايماق بولىپ سانالاتىن كۋريل ارالدارى ماڭىندا اسكەري وقۋ-جاتتىعۋ جۇمىستارىن وتكىزۋىنە بايلانىستى قارسىلىق بىلدىرگەن جانە تەرريتوريالىق داۋدى شەشۋگە باعىتتالعان ارنايى قۇجات ۇسىنعان. قۇجاتتا كۋريل ايماعىننىڭ سولتۇستىك بولىگىندەگى ءتورت ارالعا بايلانىستى ماسەلەلەردى رەتتەۋ جانە بەيبىت كەلىسىمگە قول قويۋ جونىندە ايتىلعان.

ەستەرىڭىزگە سالايىق، كۋريل اۋماعىنداعى ءتورت ارال ەكىنشى دۇنيەجۇزىلىك سوعىستان كەيىن كەڭەستەر وداعىنىڭ يەلىگىنە وتكەن. الايدا جاپونيا ول ارالداردى وزىنىكى دەپ ەسەپتەيدى. ەكى ەل اراسىندا ەكىنشى دۇنيەجۇزىلىك سوعىستان بەرى ءالى كۇنگە دەيىن بەيبىت كەلىسىمگە قول قويىلماعان.

“The Qazaq Times”