ساۋد ارابياسى سۇرياعا اسكەر كىرگىزۋگە دايىن – دەپ حابارلايدى نەمىس تولقىنى اقپارات اگەنتتىگى.

ءساۋىر ايىنىڭ 17-ءى كۇنى ەر-رياد قالاسىندا بۇۇ باس حاتشىسى انتونيۋ گۋتەررەش پەن ساۋد ارابيا سىرتقى ىستەر ءمينيسترى ادەل ءال-دجۋبەير بىرىككەن ءباسپاسوز ءماسليحاتىن وتكىزگەن. ءباسپاسوز كونفەرەنتسياسى بارىسىندا ءال-دجۋبەير ءسۇريا ماسەلەسىنە قاتىستى مالىمدەمە جاساعان. وندا ول: «ءتيىستى ۇسىنىستار بولسا ساۋد ارابياسى سۇرياعا اسكەر كىرگىزۋگە دايىن» - دەپ مالىمدەگەن.

بۇعان دەيىن The Wall Street Journal باسىلىمى «اق ءۇي اكىمشىلىگى ءسۇريادا اقش اسكەرىنىڭ ورنىن باساتىن اسكەري كونتينگەنت قۇرعىسى كەلەدى. پرەزيدەنت دونالد ترامپ سۇرياداعى 2 مىڭ اقش اسكەرىن شىعارىپ الۋدى جوسپارلاۋدا. اتالمىش اسكەردىڭ ورنىن تولتىرۋ ءۇشىن ۋاشينگتون ساۋد ارابياسى، كاتار جانە بىرىككەن اراب امىرلىكتەرىمەن كەلىسسوزدەر جۇرگىزۋدە» - دەگەن سارىنداعى ماتەريال جاريالاعان.

“The Qazaq Times”