اقش ورتالىق بارلاۋ باسقارماسىنىڭ ديرەكتورى سولتۇستىك كورەيا باسشىسىمەن قۇپيا كەزدەسۋ وتكىزدى

اقش ورتالىق بارلاۋ باسقارماسىنىڭ باسشىسى مايك پومپەو سولتۇستىك كورەيا باسشىسى كيم جوڭ ۋنمەن كەزدەستى.

The Washington Post باسىلىمىنىڭ مالىمەتىنشە، مايك پومپەو اقش پرەزيدەنتى دونالد ترامپدىڭ تاپسىرماسى بويىنشا پحەنيان قالاسىندا سولتۇستىك كورەيا باسشىسى كيم جوڭ ۋنمەن قۇپيا كەزدەسۋ وتكىزگەن. بۇل اقپاراتتى دونالد ترامپ تا راستاعان. ول وسىدان بىرەر كۇن بۇرىن سولتۇستىك كورەيا بيلىگىمەن جوعارى دارەجەدە كەلىسسوزدەر جۇرگىزىپ جاتقاندىعىن مالىمدەگەن.

ەستەرىڭىزگە سالايىق، بۇعان دەيىن دونالد ترامپ كيم جوڭ ۋنمەن ماۋسىم ايىندا كەزدەسۋى مۇمكىن ەكەندىگىن جانە كەزدەسۋ وتەتىن ايماق اقش-تان تىس جەردە ەكەندىگىن ايتقان.

“The Qazaq Times”