ترامپ جاڭا ساۋدا ساياساتى ءۇشىن قىتاي باسشىسىنا راحمەت ايتتى

كەشە قىتاي باسشىسى شي جينپيڭ (Xi Jinping) بواو فورۋمىنىڭ اشىلۋ سالتاناتىندا ءسوز سويلەپ، بەيجىڭ بيلىگىنىڭ رەفورمالاردى كەڭەيتىپ، شەتەلدەرگە اشىق ساياسات ۇستاناتىنىن مالىمدەگەن ەدى. بۇل اقش نارازى بولىپ كەلگەن ساۋدا ساياساتىن وزگەرتىپ، شەتەلدىك تاۋارلار مەن شەتەلدىك كومپانيالارعا جەڭىلدىكتەر جاسايتىن جاڭا ساياسات ەكەنىن العا تارتقان. ترامپ وسىدان كەيىن ءوزىنىڭ Twitter پاراقشاسىندا شي جينپيڭگە راحمەت ايتتى. بۇل تۋرالى «WJS» باسىلىمى حابارلادى.

سەيسەنبى كۇنى اقش پرەزيدەنتى «تۆيتتەر» پاراقشاسىنا: «قىتاي توراعاسىنىڭ تاريفتەر مەن اۆتوكولىك سالىقتارى تۋرالى دوستىق پەيىلىنە ءدان ريزامىن. سونداي-اق، زياتكەرلىك مەنشىك قۇقىعى مەن تەحنولوگيالاردى وتكەرىپ بەرۋ ىسىندە دە بىرقاتار وڭدى وزگەرىستەر جاسادى. ءبىز الداعى ۋاقىتتا  بىرلەسە وتىرىپ، ۇلكەن جەتىستىكتەرگە جەتەتىن بولامىز»، – دەپ جازدى.

ترامپتىڭ تۆيتتەر پاراقشاسى. فوتو: VOA.

قىتاي ۇكىمەتى اقش-قىتاي ساۋدا سوعىسى باستالۋىنىڭ الدىندا شەتەلدىك ونىمدەر مەن شەتەلدىك كومپانيالارعا دەگەن قاتاڭ ساياساتىن وزگەرتىپ، قۇراما شتات تالابىن ورىنداۋعا كەلىسىم بەردى. بۇل ترامپ ۇكىمەتىنىڭ قىتايعا باعىتتالعان جازالاۋ شاراسىن توقتاتۋى مۇمكىن. دەگەنمەن، ۋاشينگتون الداعى ۋاقىتتا قانداي ناقتى جاۋاپ قايتاراتىنى انىق ەمەس.

“The Qazaq Times”