قازاقستاندا جىل باسىنان بەرى 60 ميلليون دوللارعا 20 مەملەكەتتىك نىسان ساتىلدى.

ءساۋىر ايىنىڭ 10-ى كۇنى وتكەن ۇكىمەت وتىرىسىندا قارجى ءمينيسترى باقىت سۇلتانوۆ جىل باسىنان بەرى ەل اۋماعىندا قانشا مەملەكەتتىك نىسان جەكەنىڭ قولىنا وتكەنىن مالىمدەدى. مينيستر سوزىنشە، 2018 جىلدىڭ باسىنان بەرى 45 مەملەكەتتىك نىسان ساتىلىمعا شىعارىلعان. قازىرگى تاڭدا 20 نىسان 19 ملرد تەڭگەگە (59 ميلليون 375 مىڭ دوللارعا) ساتىلعان.

بۇدان بولەك سۇلتانوۆ مىرزانىڭ ايتۋىنشا، بيىل مەملەكەت يەلىگىندەگى 71 جوعارى ساناتتاعى نىسان ساتىلىمعا شىعارىلعان. قازىردىڭ وزىندە 13 نىسان 95 ملرد تەگەگە (296 ميلليون 875 مىڭ دوللارعا) ساتىلىپ كەتكەن. جالپى، اعىمداعى جىلى جوعارى ساناتتاعى 40 نىساندى ساتۋ جوسپارلانعان. قازىرگى تاڭدا ونىڭ 6 نىسان ساتىلىمعا شىعارىلعان. ال قالعان 34 نىسانعا ساتۋ الدىنداعى دايىندىق جۇمىستارى جۇرگىزىلۋدە.

“The Qazaq Times”