جاساندى ينتەللەكت قاتەرلى ىسىكتى دە ەمدەيتىن بولادى

2021 جىلى جاپوندىقتار دياگنوستيكا مەن قاتەرلى ىسىكتى (نەمەسە جالپى، ونكولوگيالىق اۋرۋلاردى) ەمدەۋ جاساندى ينتەللەكتكە تاپسىرىلماق. بۇل تۋرالى جاپونيا فوندىنا قاراستى ونكولوگيا ينستيتۋتى حابارلايدى.

ينستيتۋت «قاتەرلى ىسىكتى ناقتى ەمدەيتىن»، KIBIT دەگەن اتاۋ قويىلعان جاساندى ينتەللەكتتى FRONTENDO Healthcare كومپانياسىمەن بىرىگىپ جاساپ شىعارماق. بۇل جۇيە دارىگەرلەرگە  اربىر پاتسيەنتتىڭ گەنەتيكالىق اناليزى نەگىزىندە ەمدەلۋ كۋرسىن انىقتاۋعا ۇلكەن مۇمكىندىك بەرەدى. سەبەبى، جاساندى ينتەللەكت اۋرۋدىڭ بارلىق بەلگىلەرى مەن ەرەكشەلىكتەرىن كورسەتەدى.

اتالمىش ينستيتۋت گەنومدار اناليزدەرىن جاساۋ تەحنولوگياسىمەن، قاتەرلى ىسىك كلەتكالارىنداعى گەنەتيكالىق اناليزدەردى انىقتاۋ جۇيەسىمەن ەرەكشەلەنەدى. FRONTENDO Healthcare وتكەن جىلدىڭ قازان ايىندا «قاتەرلى ىسىكتتەن ايىقتىراتىن جاساندى ينتەللەك جۇيەسىن جاساۋدى باستاپ تا كەتكەن.

جاساندى ينتەللەكتتىڭ جادىنا كەزەڭدىك زەرتتەۋ مەن ونكولوگيالىق عىلىمي جۇمىستىڭ ناتيجەلەرىن ەنگىزىلەدى. سودان كەيىن، پاتسيەنت تۋرالى جەكە اقپاراتتار، اۋرۋىنىڭ كەزەڭىن، ت.ب. ماڭىزدى پۋنكتتەردى كورسەتكەننەن كەيىن، سىرقاتتان ايىعۋدىڭ ءتيىمدى ءارى جىلدام جولدارىن كورسەتەدى دەپ كۇتىلۋدە.

ياعني، ينستيتۋت زەرتتەۋشىلەرى، 2021 جىلعا قاراي جاساندى ينتەللەكتتىڭ دياگنوستيكا جاساپ قانا قويماي، وكپەنىڭ جانە ءسۇت بەزدەرى قاتەرلى ىسىگىن ەمدەيتىندىگىن جەتكىزىپ وتىر.

«The Qazaq Times»