فەدەرالدى بارلاۋ باسقارماسى ترامپ ادۆوكاتىنىڭ كەڭسەسىن ءتىنتىدى

فەدەرالدى بارلاۋ باسقارماسى دونالد ترامپتىڭ ادۆوكاتى مايكل كوەننىڭ كەڭسەسىنە ءتىنتۋ جۇرگىزدى – دەپ حابارلايدى جەرگىلىكتى باق وكىلدەرى.

فەدەرالدى بارلاۋ باسقارماسى اگەنتتەرى ءتىنتۋ بارىسىندا كوەننىڭ كەڭسەسىنەن اتى شۋلى پورنواكتريسا ستورمي دەنيەلسكە قاتىستى قۇجاتتاردى تاركىلەگەن. مايكل كوەننىڭ رەسمي وكىلى ستيۆەن راياننىڭ سوزىنشە، فەدەرالدى بارلاۋ باسقارماسىنىڭ ءتىنتۋ ارەكەتىنە دونالد ترامپقا بايلانىستى «رەسەي ءىسىن» تەكسەرىپ جۇرگەن ارنايى پروكۋرور روبەرت ميۋللەردىڭ قاتىسى بار.

دونالد ترماپتىڭ ءوزى فەدەرالدى بارلاۋ باسقارماسىنىڭ بۇل ارەكەتىنە «وتە ۇيات جاعداي» - دەگەن باعا بەرگەن. ول اتالمىش وقيعاعا بايلانىستى جۋرناليستەر الدىندا سويلەگەن سوزىندە:«فەدەرالدى بارلاۋ باسقارماسىنىڭ ءتىنتۋ جۇمىستارى تازا «اڭشىنىڭ» ىستەيتىن ءىسى. بۇل وتە ۇيات جاعداي» - دەگەن.

“The Qazaq Times”