قىرعىزستان پرەزيدەنتى سوورونباي جەەنبەكوۆ پەن تۇركيا باسشىسى رەجەپ تايىپ ەردوعان.

تۇركيا پرەزيدەنتى رەجەپ تايىپ ەردوعان «قىرعىزستان ءبىز ءۇشىن ايىرىقشا ماڭىزعا يە» - دەپ مالىمدەدى.

ءساۋىر ايىنىڭ 9-ى كۇنى قىرعىزستان باسشىسى سوورونباي جەەنبەكوۆپەن وتكەن كەزدەسۋدەن كەيىنگى ءباسپاسوز ءماسليحاتىندا تۇركيا پرەزيدەنتى رەجەپ تايىپ ەردوعان: «تۇركياعا قوش كەلدىڭىز. سوورونباي جەەنبەكوۆ قىرعىزستان پرەزيدەنتى رەتىندە جاساعان العاشقى ساپارلارىنىڭ ءبىرىن تۇركيا ەلىنە ارنادى. وسىعان بايلانىستى ءوزىمنىڭ جانە تۇركيا حالقىنىڭ اتىنان راحمەت ايتامىن. جەەنبەكوۆتىڭ باسشىلىعى كەزىندە ەكى ەل اراسىنداعى قارىم-قاتىناس ودان ارى داميدى دەپ ۇمىتتەنەمىن» - دەگەن.

ەستەرىڭىزگە سالايىق، 9 ءساۋىر كۇنى قىرعىزستان پرەزيدەنتى سوورونباي جەەنبەكوۆ انكاراعا رەسمي ءىس-ساپارمەن بارعان. وندا ول تۇركيا باسشىسى رەجەپ تايىپ ەردوعانمەن كەزدەسىپ، ەكى جاقتىق ماسەلەلەردى تالقىلاعان. اتاپ ايتقاندا قوس تاراپ ساۋدا-ساتتىق، دەنساۋلىق، ەنەرگەتيكا، تاۋ-كەن جانە جۇك تاسىمالى سالالارى بويىنشا كەلىسسوزدەر جۇرگىزگەن.

“The Qazaq Times”