قىتاي بيلىگىن سىناعان ۇيعىرلار كونگرەستەن قۋىلدى

ءساۋىر ايىنىڭ 1-دە اقش-تىڭ مەريلەند شتاتىنا قاراستى بالتيمور قالاسىندا وتكەن "سولتۇستىك امەريكاداعى يسلام شەڭبەرى" (The Islamic Circle of North America) اتتى كونگرەستە ۇيعىرلار قىتايلاردى سىناعاندارى ءۇشىن قۋىلدى", - دەپ قابىلدايدى  "New york" (qha) اگەنتتىگى.

ساليح ءحۇدايار اتتى ۇيعىر بەلسەندىسىنىڭ ايتۋىنشا، كونگرەس مودەراتورى بولعان قىتايلىق مۇسىلمان، قىتايدا يسلام ءدىنىنىڭ جاقسى قابىلداناتىنىن، ونداعى مۇسىلمانداردىڭ ەشقانداي قىسىم كورمەي ءومىر ءسۇرىپ جاتقاندارىن ايتقان. ونىڭ وسى سوزىنە قارسى جاۋاپ بەرگەن ۇيعىرلار شىعىس تۇركىستاندا بولعان وقيعالاردىڭ نەگە ءسوز ەتىلمەگەنىن سۇراپ، قارسى شىققان. كونگرەس مودەراتورى ءوزىنىڭ بۇدان حابارى جوق ەكەنىن، كونگرەستە ساياسي ماسەلەلەردىڭ تالقىلانبايتىنىن ايتقان. الايدا، مۇسىلماندار مۇنىڭ ساياساتپەن ەشقانداي بايلانىسى جوق دەپ، قىتايدا ادام قۇقىقتارى مەن ءدىن بوستاندىعىنا قيانات جاسالعانىن العا تارتقان. وسىعان بايلانىستى ساليح ءحۇدايار باستاعان مۇسىلمان ۇيعىرلار كونگرەستەن قۋىلعان. دەرەۋ وسى كەلەڭسىز وقيعانىڭ ارتىنشا الەۋمەتتىك جەلىلەردە اتالعان جايتقا قاتىستى كوپتەگەن سوزدەر جاريالاندى. كەيبىر ۇيعىر بەلسەندىلەرى كونگرەستىڭ قىتايمەن بايلانىسى بولۋى مۇمكىن ەكەنىن ايتۋدا.

“The Qazaq Times”