قىرعىزستاننىڭ ەكس-پرەزيدەنتى المازبەك اتامباەۆ. فوتو: راديو ازاتتىك

ەكس-پرەزيدەنت المازبەك اتامبەۆ قىرعىزستان سوتسيال-دەموكراتيالىق پارتياسىنىڭ توراعاسى بولىپ سايلاندى.

AKيpress باسىلىمىنىڭ حابارلاۋىنشا، بۇگىن بىشكەك قالاسىندا وتكەن قسدپ قۇرىلتايىندا قىرعىزستاننىڭ ەكس-پرەزيدەنتى المازبەك اتامباەۆ پارتيا توراعاسى بولىپ سايلانعان. سايلاۋ جابىق ەسىك جاعدايىندا وتكەن جانە اتامباەۆتان وزگە سايلاۋا ەشكىم تۇسپەگەن.

المازبەك اتامباەۆ قسدپ تىزگىنىن بۇعان دەيىن دە ۇستاعان. ول ءوزى قۇرعان پارتياعا 2011 جىلعا دەيىن توراعالىق ەتكەن. كەيىننەن پرەزيدەنت بولىپ سايلانعان سوڭ توراعالىق قىزمەتىن تاستاپ، پارتياداعى جۇمىسىن ۋاقىتشا توقتاتقان. ونىڭ ورنىنا سول ۋاقىتتان بەرى ەشكىم سايلانباعان.

جالپى، قازىرگى تاڭدا قسدپ قىرعىزستانداعى بيلىك باسىنداعى ەڭ ىقپالدى پارتيا. ەلدىڭ قازىرگى پرەزيدەنتى سوورونباي جەەنبەكوۆ تا وسى پارتيانىڭ مۇشەسى.

“The Qazaq Times”