فوتو: ەحو كاۆكازا

گرۋزيا ەكس-پرەمەر-ءمينيسترى نيكا گيلاۋري وزبەكستانعا كومەكتەسەتىن بولدى.

Repost.uz اقپارات كوزىنىڭ مالىمەتىنشە، گرۋزيا رەسپۋبيلكاسىنىڭ بۇرىنعى پرەمەر-ءمينيسترى، اتى شۋلى ميحايل سااكاشۆيليدىڭ ەكونوميستەر كومانداسىنىڭ مۇشەسى نيكا گيلاۋري وزبەكستاننىڭ 2020 جىلعا دەيىنگى سالىق رەفورماسىنا ارنالعان جوبانى تالقىلاۋعا قاتىسۋدا. گيلاۋريدىڭ سوزىنشە، وزبەكستاندا ۇسىنىلىپ وتىرعان جاڭا سالىق جوباسى تەڭدەسى جوق جوبا. اتالمىش جوبانىڭ ەل ەكونوميكاسىنا، بيزنەسىنە، حالقىنا تيگىزەتىن پايداسى وراسان زور.

ايتا كەتەتىن ءبىر جايت، وزبەكستاندا ۇسىنىلىپ جاتقان جاڭا سالىق جوباسى وسىدان بىرنەشە جىل بۇرىن گرۋزيادا ەنگىزىلگەن بولاتىن. گرۋزيادا سالىق رەفورماسى جاسالعاننان كەيىن سالىق سانى 21-دەن 6-عا قىسقارىپ، 8 جىل ىشىندە سالىق جيناقتارى 10 ەسەگە، ەل ەكونوميكاسى 4 ەسەگە وسكەن.

“The Qazaq Times”