ۆەنەسۋەلاداعى ءورت 78 ادامنىڭ ءومىرىن جالمادى

"بۇگىن، 29 ناۋرىز كۇنى كارابوبو شتاتىنداعى تەرگەۋ يزولياتورىندا ورىن العان ءورت سالدارىنان 78 ادام قازا تاپتى", - دەپ حابارلايدى " El Pais " باسىلىمى.

قازا تاپقانداردىڭ 68-ءى ەر ادام، 10-ى ايەل. قازىرگى مالىمەتتەر بويىنشا، ورتتەن قازا تاپقانداردىڭ كوبىسى ۋاقىتشا قاماۋعا الىنعاندار مەن كۇيەۋلەرىن كورىپ قايتۋ ءۇشىن كەلگەن ولاردىڭ ايەلدەرى ەكەن. تەرگەۋ يزولياتورىندا بارلىعى 100 تۇتقىن بولعان. قايتىس بولعانداردىڭ كەيبىرى تۇنشىعىپ ولسە، كەيبىرى ورتەنىپ كەتكەن. كۋاگەرلەردىڭ ايتۋىنشا، تەرگەۋ يزولياتورىندا الدىمەن اتىس بولعان، سودان كەيىن عيمارات تۇتىنگە تولعان. كەيىنىرەك، تۇتقىنعا الىنعانداردىڭ ءبىرىنىڭ اناسى بالاسىنىڭ وزىنە قوڭىراۋ شالىپ، كامەرالارعا بەنزين شاشىپ جاتقانىن ايتقان.

ۆەنەسۋەلانىڭ باس پروكۋرورى تارەك ۋيليام سااب، وسى جان تۇرشىگەرلىك وقيعانىڭ سەبەبىن انىقتاۋ ءۇشىن ءتورت پروكۋرورعا جەدەل تاپسىرما بەرگەنىن مالىمدەدى. 78 ادامنىڭ اجالىنا سەبەپ بولعان ءتىلسىز جاۋدىڭ سەبەبى انىقتالۋدا.

“The Qazaq Times”