وڭتۇستىك كورەيا پرەزيدەنتى مەن كحدر باسشىسى ءساۋىر ايىندا كەزدەسەتىن بولدى

وڭتۇستىك كورەيا پرەزيدەنتى ءمۇن جاين مەن سولتۇستىك كورەيا باسشىسى كيم جوڭ ۋن ءساۋىر ايىندا كەزدەسەتىن بولدى – دەپ حابارلايدى ينتەرفاكس اقپارات اگەنتتىگى.

جەرگىلىكتى باق وكىلدەرىنىڭ مالىمەتىنشە، بۇگىن وڭتۇستىك كورەيا مەن كحدر جۇمىسشىلار توبى الدا كەلە جاتقان سامميتكە بايلانىستى ماسەلەلەردى تالقىلاۋدى كەلەسى اپتادا جالعاستىرۋعا ۋاعدالاسقان جانە ءمۇن جاين مەن كيم جوڭ ۋننىڭ كەزدەسۋىن 27 ساۋىرگە بەلگىلەگەن. الدىن الا بولجامدار بويىنشا، ەكى ەل باسشىلارى شەكارالىق ايماقتا ورنالاسقان پانمۋنجون اۋىلىندا كەزدەسەدى دەپ جوسپارلانۋدا.

ەستەرىڭىزگە سالايىق، ناۋرىز ايىنىڭ 25-ءسى مەن 28-ءى كۇندەرى ارالىعىندا سولتۇستىك كورەيا باسشىسى كيم جوڭ ۋن قىتايعا بەيرەسمي ءىس-ساپارمەن بارعان. وندا ول قىتاي باسشىسى شي جينپيڭمەن كەزدەسىپ، ەكى جاقتىق قارىم-قاتىناس، ايماقتىق جانە حالىقارالىق ماسەلەلەردى تالقىلاعان.

“The Qazaq Times”