فوتو: راديو ازاتتىك

شاۆكات ميرزيەەۆ ۆلاديمير ءپۋتيندى وزبەكستانعا مەملەكەتتىك ساپارمەن كەلۋگە شاقىردى.

ناۋرىز ايىنىڭ 19-ى كۇنى وزبەكستان پرەزيدەنتى شاۆكات ميرزيەەۆ رەسەي باسشىسى ۆلاديمير پۋتينمەن تەلەفون ارقىلى سويلەستى. سويلەسۋ بارىسىندا ميرزيەەۆ ءپۋتيندى سايلاۋداعى سەنىمدى جەڭىسىمەن قۇتتىقتاپ، وزبەكستانعا رەسمي ءىس-ساپارمەن كەلۋگە شاقىرعان.

ەستەرىڭىزگە سالايىق، ناۋرىز ايىنىڭ 18-ءى كۇنى رەسەيدە پرەزيدەنت سايلاۋى وتكەن. سايلاۋ قورىتىندىسى بويىنشا ەلدىڭ قازىرگى پرەزيدەنتى ۆلاديمير پۋتين 76,65 پايىز داۋىس جيناعان. بۇل رەسەي تاريحىندا بۇرىن سوڭدى بولماعان ناتيجە. بىراق تاۋەلسىز ساراپشىلار بۇل جولعى پرەزيدەنت سايلاۋى «تاڭداۋسىز سايلاۋ» ەكەندىگىن ايتىپ، رەسەي سايلاۋ جۇيەسى ءپۋتيننىڭ جەڭىسى ءۇشىن جۇمىس ىستەدى دەگەن پىكىرلەر ايتۋدا.

“The Qazaq Times”