فوتو: كازينفورم

قازاقستان مەكتەپتەرىندە ديرەكتوردىڭ اقپاراتتاندىرۋ جونىندەگى ورىنباسارى قىزمەتى ەنگىزىلۋى مۇمكىن. بۇل تۋرالى ۇكىمەت ساعاتىندا قر ءبىلىم جانە عىلىم ءمينيسترى ەرلان ساعاديەۆ مالىمدەدى. 

ونىڭ سوزىنشە، اقپاراتتاندىرۋ سالاسىندا مىندەتتەردى ءبولىپ بەرۋ مۇعالىمدەرگە تۇسەتىن اۋىرتپالىقتى ازايتادى.

ء"بىز ديرەكتوردىڭ اقپاراتتاندىرۋ جونىندەگى ورىنباسارى قىزمەتىن ەنگىزۋدى جوسپارلاپ وتىرمىز. سوندا مۇعالىمدەرگە تۇسەتىن اۋىرتپالىق ايتارلىقتاي ازايۋ كەرەك. وسىنداي جۇمىس جۇرگىزىلىپ جاتىر. 2018 جىلدىڭ اياعىندا ناتيجەسىن كورەمىز دەپ ويلايمىن", - دەدى مينيستر.

ال پارلامەنت ءماجىلىسى توراعاسىنىڭ ورىنباسارى گۇلميرا يسيمباەۆانىڭ سوزىنشە، جاڭا قىزمەت ءتۇرى ماسەلەنى شەشپەيتىنىن جانە مۇعالىمدەرگە ءبارىبىر اۋرتپالىق تۇسەتىنىن العا تارتتى.

"مەكتەپتەرگە باسشىدان گورى ورىنداۋشى قاجەت. ديرەكتورلاردىڭ ورىنباسارلارى سىزدەر ءۇشىن، وبلىستىق، قالالىق باسقارما ءۇشىن اقپارات جيناۋدا سول مۇعالىمدەرگە بۇيرىق بەرىپ، سولاردان تالاپ ەتەدى. بار اۋىرتپالىق مۇعالىمدەرگە جۇكتەلەدى", - دەدى ول.

الايدا ساعاديەۆ جىل سايىن جوعارى وقۋ ورىندارىنان 10 مىڭعا جۋىق ستۋدەنت، ال كوللەدجدەردەن 8 مىڭعا جۋىق ستۋدەنت ءىت ماماندىعىن الاتىنىن ايتادى.

"قازىرگى كەزدە ەلدىڭ 84 جوعارى وقۋ ورنىندا 33 مىڭ، كوللەدجدەردە 24 مىڭ ادام ءبىلىم الىپ جاتىر. جىل سايىن ءىت سالاسىنداعى جوعارى ءبىلىم گرانتتارىن كوبەيتىپ جاتىرمىز. 2018 جىلى مەملەكەت باسشىسىنىڭ تاپسىرماسىمەن ءبىز گرانت سانىن 1340-قا كوبەيتتىك، ونىڭ ىشىندە ءىت ماماندىعىنىڭ گرانتتارى بار", - دەدى مينيستر.

ايتا كەتەيىك، سوڭعى ۋاقىتتا مەتەپتەردەگى قاعاز باستىلىقتى جويۋ ءۇشىن ءتۇرلى تەحنولوگيالار ەنگىزىلىپ تە جاتىر. الايدا بۇل مۇعالىمدەردى بالالارعا ساپالى ءبىلىم بەرۋگە ەمەس، باسشىلارعا ەسەپ بەرۋگە عانا يتەرمەلەۋدە.

“The Qazaq Times”