قايرات ءابدىراحمانوۆ، قر سىرتقى ىستەر ءمينيسترى. فوتو: ult.kz

بۇگىن قر سىرتقى ىستەر ءمينيسترى قايرات ءابدىراحمانوۆ رەسەي، يران جانە تۇركيانىڭ سىرتقى ىستەر مينيسترلەرىمەن كەزدەستى. ءابدىراحمانوۆ كەلىسسوز كەزىندە سۇرياداعى قاقتىعىستى شەشۋ ءۇشىن جاڭا قادامدار جاساۋ قاجەتتىگىن ايتتى.

"جاڭا قادامدار جاساۋ قاجەت. الەمدىك قاۋىمداستىق، ءتىپتى دەەسكالاتسيالىق ايماقتاردىڭ ءوزى زورلىق-زومبىلىققا اكەپ سوققان قاۋىپتى قاقتىعىستاردىڭ كۋاسى بولدى", - دەدى ول كەزدەسۋ كەزىندە.

مينيستر سونداي-اق، قاقتىعىس سالدارىنان حالىقتىڭ ونىڭ ىشىندە ايەلدەر مەن بالالاردىڭ قۇربان بولعانىن اتاپ ءوتتى.

"بۇگىندە ءسۇريادان بايقاپ وتىرعانىمىز تەك قانا دەەسكالاتسيا مەن وڭىردەگى تۇراقتىلىققا قاتەر ءتوندىرىپ قانا قويماي، ءتىپتى  جاعدايدى ساياسي تۇرعىدان رەتتەۋگە كەدەرگى كەلتىرۋدە. استانادا قول جەتكىزىلگەن كەلىسىمدەر قاعاز جۇزىندە قالماۋ كەرەك. ەگەر كەلىسسوز پروتسەسى كەزىندە سۇريالىق تاراپ پەن حالىقارالىق قاۋىمداستىقتىڭ كۇشىنە قولداۋ كورسەتىلسە، ولار ناقتى ناتيجەنى شىعارۋ قاجەت. وسىعان بايلانىستى  قازاقستان سۇرياداعى قاقتىعىستى تەزىرەك رەتتەگىسى كەلەتىن بارلىق قاتىسۋشىلاردى، ونىڭ ىشىندە ءسۇريا ۇكىمەتىن، قارۋلى وپپوزيتسيا وكىلدەرىن جانە بۇۇ قاۋىپسىزدىك كەڭەسىنىڭ 2401 قارارىنىڭ ورىندالۋىنا ىقپال ەتۋى مۇمكىن بارلىق ەلدەردى قانتوگىستى توقتاتۋعا شاقىرادى", - دەدى مينيستر.

سونداي-اق، ءابدىراحمانوۆ وسى ماسەلەدە رەسەي مەن اقش-تى كونسترۋكتيۆتى ديالوگ وتكىزۋگە شاقىردى.

"سۇرياداعى جاعدايدى رەتتەۋگە بايلانىستى ەكى ەلدىڭ ىنتىماقتاستىعى وسى ىسكە قىزىعۋشىلىق تانىتىپ وتىرعان بارلىق تاراپتىڭ مۇددەسىنە جانە جالپى سۇريالىقتاردىڭ مۇددەسىنە جاۋاپ بەرەدى", - دەدى ءابدىراحمانوۆ.

مينيستر بۇدان بولەك، قازاقستان بۇل قاقتىعىستا بەيتاراپ جانە وبەكتيۆتى دەلدال رەتىندە بارلىق مۇددەلى تاراپتارعا كومەك كورسەتۋدى جالعاستىرا بەرەتىنىن اتاپ ءوتتى.

ايتا كەتەيىك، بۇدان بۇرىن رەسەيلىك اسكەري ۇشاقتاردىڭ كومەگىمەن سۇريالىق اسكەر شىعىس گۋتانى بومباعانى تۋرالى اقپارات تاراعان ەدى. بومبالاۋ سالدارىنان جۇزدەگەن ادام قايتىس بولىپ، 6 اۋرۋحانا مەن مەديتسينالىق ورتالىقتار قيرادى. ءسۇريانىڭ ازاماتتىق قورعانىس قۇتقارۋشىلارى "جەرگىلىكتى حالىق اراسىندا ۋلى حلور گازدان ۋلانعاندار بايقالادى" دەپ مالىمدەگەن. بىراق رەسەيدىڭ ءسىم-ءى سەرگەي لاۆروۆ گازعا بايلانىستى اقپاراتتى "جالعان" دەدى.

 “The Qazaq Times”