رەسەيدىڭ سىرتقى ىستەر ءمينيسترى سەرگەي لاۆروۆ كەشە ماسكەۋ قالاسىندا وتكەن "روسسيا – سترانا ۆوزموجنوستەي" اتتى فورۋمدا قازاقستاننىڭ اقش ازاماتتارى ءۇشىن ۆيزاسىز ءتارتىپ ەنگىزۋ تۋرالى شەشىمىنە پىكىر بىلدىرگەن. ونىڭ سوزىنشە، بۇل ءۇشىن دە ەۋرازيالىق ەكونوميكالىق وداقپەن كەلىسىم جاساۋ كەرەك.
فورۋمعا قازاقستاننان بارعان قاتىسۋشىلاردىڭ ءبىرى سەرگەي لاۆروۆتان "قازاقستاننىڭ اقش ازاماتتارى ءۇشىن ۆيزازىز ءتارتىپ ەنگىزۋى قازاقستان-رەسەي قارىم-قاتىناسىنا قالاي اسەر ەتەتىنىن" سۇراعان.
"شىنى كەرەك، مەن مۇنى بىلمەيدى ەكەنمىن، الداپ تۇرعان جوقپىن. مەن ەرتەڭ استانادا بولامىن، ارىپتەسىم قايراتپەن سويلەسەمىن (قايرات ءابدىراحمانوۆ - رەد). ويتكەنى ەۋرازيالىق ەكونوميكالىق وداقتا دا ۆيزاسىز ءتارتىپ ۇستانىمى بار بولعاندىقتان، وداق اياسىندا قانداي دا ءبىر كەلىسىم جاساۋ قاجەت بولادى", - دەپ جاۋاپ بەرگەن لاۆروۆ.
ايتا كەتەيىك، قر پرەزيدەنتى نۇرسۇلتان نازارباەۆ وسى جىلدىڭ قاڭتارىندا اقش پرەزيدەنتى دونالد ترامپپەن كەزدەسكەن ەدى. ەكى ەل باسشىلارى قازاقستان مەن اقش اراسىنداعى ستراتەگيالىق سەرىكتەستىك تۋرالى ماسەلەلەردى تالقىلادى. قازاقستان پرەزيدەنتى اقش قازاقستاندىقتار ءۇشىن ۆيزاسىز رەجيم ەنگىزەتىنىنە سەنىم بىلدىرگەن.
"قازاقستان امەريكالىق ازاماتتارعا ارناپ، ۆيزاسىز رەجيم جاريالادى. ءبىز بۇعان جاۋاپ بولادى دەپ ۇمىتتەنەمىز", - دەگەن ەدى نازارباەۆ.
ايتا كەتەيىك، بۇل رەسەيدىڭ قازاقستاننىڭ ىسىنە ارالاسۋى مۇمكىن ەكەنىن بىلدىرەدى. ەاەو-نى العا تارتىپ، رەسەي ءوز تالابىن قويۋى دا عاجاپ ەمەس.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
رىسبەك سارسەنبايۇلى: اەس – جارىلىپ كەتۋگە شاق تۇرعان بومبانى قۇشاقتاپ وتىرعانمەن بىردەي
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
جاۋاعاشتى تۇرمەسى ايگەرىمدى تاعايىندالعان ەمگە جىبەرمەي جاتىر