SpaceX جانە Tesla كومپانياسىنىڭ نەگىزىن قالاعان يلون ماسك جەر استىمەن جۇرەتىن ەلەكتروبۋستىڭ كونتسەپتسياسىن تانىستىردى. ەلەكتروبۋس ساعاتىنا 200 شاقىرىم جىلدامدىقپەن جۇرەدى. بۇل تۋرالى ول ءوزىنىڭ Twitter پاراقشاسىندا جاريالادى.
ونىڭ سوزىنشە، جەر استىمەن جۇرەتىن قوعامدىق كولىكتى جاساپ شىعۋمەن ءوزى باسقارىپ وتىرعان كومپانيالاردىڭ ءبىرى The Boring Company اينالىسىپ جاتىر. قوعامدىق كولىكتىڭ ەرەكشەلىگى - جاياۋ جۇرگىنشىلەر مەن ۆەلوسيپەد مىنەتىندەرگە ارنالعان.
"جۇيە اۆتوكولىكتەردى دە تاسىمالداي الادى، بىراق الدىمەن قوعامدىق كولىكتىڭ بارلىق قاجەتتەرى قامتىلۋ كەرەك. بۇل قۇرمەت پەن ادىلدىكتىڭ ماسەلەسى. ءبىرىنشى كەزەكتە وزىنە كولىك ساتىپ الا المايتىندار تۋرالى ويلاۋ كەرەك", - دەپ جازدى يلون ماسك پاراقشاسىندا.
ونىڭ ايتۋىنشا، جوبانى ىسكە اسىرۋ ءۇشىن كولەمى شامامەن ءبىر اۆتوكولىك تۇراعىنداي بولاتىن مىڭداعان شاعىن ستانتسيا قۇرىلادى. ياعني جاڭا ترانسپورتتىڭ باستى ايىرماشىلىعى - ستانتسيالارى مەترونىكى سياقتى ۇلكەن جانە سانى از بولمايدى.
ايتا كەتەيىك، بۇدان بۇرىن يلون ماسك قالاداعى كەپتەلستى ازايتىپ، قالاداعى تولاسسىز كولىك اعىنىن باسەڭدەتۋ ماقساتىندا جاسالاتىن جەر استى توننەلدەرىنىڭ قىزمەتى مەن جۇيەسى بەينەلەنگەن ۆيدەونى جاريالاعان. ۆيدەودا ارنايى جۇيە ارقىلى كولىكتەر جەر استىنا ءتۇسىپ، جەر استى پلاتفورمالارىندا ساعاتىنا 200 شاقىرىم جىلدامدىقپەن قوزعالا الاتىنى كورسەتىلگەن.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
دۇيسەنبى كۇنگى رەسەيدەگى ەكى بىردەي جارلىس. ەلەكتروندى سوعىستا كىم ۇتادى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى