امەريكا عارىش تاريحىندا جاڭا كەزەڭگە اياق باستى. حالىقارالىق ستانتسياعا 30 مامىردا جونەلتىلگەن Space X كومپانياسىنىڭ Dragon عارىش كەمەسىندە بولعان امەريكالىق عارىشكەرلەر – داگ حەرلي مەن روبەرت بەنكەن جەرگە ورالدى.
ولاردى وربيتاعا Falcon 9 زىمىران تاسىعىشى الىپ شىقتى. ستانتسيادا 2 ايداي بولعان عارىشكەرلەر بىرنەشە رەت اشىق كەڭىستىككە شىعىپ، ءتۇرلى تاجىريبە جاسادى.
قوس عارىشكەردىڭ ءساتتى سىناعىنان كەيىن Space X كومپانياسىنىڭ باسشىسى يلون ماسك: «بۇل – ادامزات بالاسى ءۇشىن ۇلكەن جەتىستىك. عارىش كەمەسىنىڭ ءساتتى ساپارى ەكىنشى جاعىنان قازىرگىدەي قيىن جاعدايدا جاعىمدى جاڭالىق»،– دەدى.
Crew Dragon عارىش كەمەسى فلوريدانىڭ باتىس جاعالاۋىنا جاقىن مەكسيكا شىعاناعىنا 3 تامىزدا قونعان. ولاردى قۇتقارۋ وپەراتسياسىنا 2 كەمە مەن 2 كاتەر جانە بىرنەشە تىكۇشاق جۇمىلدىرىلدى. بۇل – اقش تارحىندا جەكەمەنشىك كومپانيا كەمەسىنىڭ عارىشكەرلەرمەن تۇڭعىش ساپار جانە امەريكالىق عارىش كەمەسىنىڭ 45 جىلدان بەرى العاش رەت سۋعا قونۋى. امەريكا 2011 جىلى Space Shuttle باعدارلاماسىن توقتاتقاندىقتان، NASA ماماندارى وربيتاعا رەسەيلىك «سويۋز» كەمەسىن قولدانعان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟