تۇركىمەنستانداعى ۇن تاپشىلىعى. حالىق دۇكەندەرگە شابۋىل جاساۋدا

تۇركىمەنستان حالقى ازىق-تۇلىك تاپشىلىعىنان جولداردى جاۋىپ، دۇكەندەرگە شابۋىل جاساۋدا – دەپ حابارلايدى "ازاتلىگ" راديوسى.

"ازاتتىق" راديوسىنىڭ  تۇركىمەنستان قىزمەتىنىڭ حابارلاۋىنشا، مارى وبلىسىندا ۇن تاپشىلىعى سالدارىنان جەرگىلىكتى حالىق قارسىلىق اكتسياسىن ۇيىمداستىرعان. «ازاتتىقتىڭ» اتالمىش ايماقتاعى اقپارات كوزىنىڭ سوزىنشە، جۇزگە جۋىق ايەل جەرگىلىكتى بيلىكتەن ۇن سۇراپ تاس جولدى جاۋىپ تاستاعان. ال احال وبلىسىندا مەملەكەتتىك دۇكەنگە كەلىپ تۇسكەن ۇندى ساتۋدان باس تارتقان اۋىل اكىمىن حالىق سوققىعا جىعىپ، دۇكەندەگى ۇندى ءوزارا ءبولىپ العان.

جالپى، تۇركىمەنستاندا ۇن تاپشىلىعى مەن ازىق-تۇلىك باعاسىنىڭ ءوسۋى جەلتوقسان ايىندا بايقالعان. بىراق رەسمي بيلىك «ەلدە ازىق-تۇلىك تاپشىلىعى جوق» - دەپ مالىمدەگەن. كەيىننەن ۇكىمەت حالىقتى ازىق-تۇلىكپەن قامتاماسىز ەتەتىن ارنايى كوميتەت قۇرعان. الايدا ول كوميتەت قىزمەتىن ءوز دەڭگەيىندە اتقارماي، حالىق ءالى كۇنگە دەيىن ازىق-تۇلىكتەن تارشىلىق  كورۋدە.

“The Qazaq Times”