انگەلا مەركەل، گەرمانيا كانتسلەرى. فوتو: Accent TV

گەرمانيادا ۇلكەن وداق قۇرا بىلگەن حريستيان-دەموكراتيالىق وداعىنىڭ جەتەكشىسى انگەلا مەركەل قايتا كانتسلەر بولۋ ءۇشىن 14 ناۋرىز كۇنى وتەتىن پارلامەنت سايلاۋىنا قاتىساتىنىن، ۇكىمەتتىڭ اتقارىلاتىن جۇمىستارعا دەرەۋ كىرىسەتىنىن مالىمدەدى.

ەۋروپانىڭ مىقتى گەرمانياعا مۇقتاج ەكەندىگىنە باسا نازار اۋدارىپ ءارى اقش پرەزيدەنتى دونالد ترامپتىڭ قىتايمەن اراداعى كەدەن سالىقتارىنا قاتىستى "ساۋدا سوعىسىنىڭ" دا قاۋپىن تىلگە تيەك ەتىپ، تەز ارادا گەرمانيا مەن ەۋروپا ءۇشىن ءتيىستى شارالاردى قولعا الاتىنىن قايتالاعان مەركەل: "بىلەك سىبانىپ، تەز ارادا كانتسلەر سايلاپ الۋىمىز كەرەك. ءوزىم دە قايتادان كانتسلەر رەتىندە سايلانۋدان ءۇمىتتىمىن. ۇكىمەتتىڭ قوعامعا اۋاداي قاجەت قىزمەتتەردى اتقارا الۋى ءۇشىن قولىمنان كەلگەندى جاساۋعا دايىنمىن. بارلىقتارىڭىزعا كوپ راحمەت" ، - دەدى.

سونداي-اق، وداق كەلىسىمشارتى مىندەتتەر مەن تاپسىرمالارعا تولى ەكەنىن ايتقان گەرمانيا كانتسلەرى: "ماڭىزدى مىندەتتەرىمىز كەلەشەكتەگى جۇمىسپەن قامتۋ شارالارىن ناقتى دايىنداۋ جانە گەرمانيادا حالىقتىڭ ءومىر ءسۇرۋ جاعدايىن تەڭەستىرۋ" ، - دەپ ءسوزىن تۇيىندەدى.

“The Qazaq Times”