فوتو: راديو وزودي.

بۇگىن وزبەك-تاجىك شەكاراسىندا 10 وتكىزۋ بەكەتى جۇمىسىن باستادى – دەپ حابارلايدى وزبەكستان پرەزيدەنت اكىمشىلىگىنىڭ ءباسپاسوز قىزمەتى.

وزبەك-تاجىك شەكاراسىنداعى جابىلىپ قالعان 10 وتكىزۋ بەكەتىنىڭ جۇمىسىن قايتا جانداندىرۋعا بايلانىستى قاۋلىعا وزبەكستان ۇكىمەتى 21 اقپان كۇنى قول قويعان. قاۋلىعا سايكەس بۇگىننەن باستاپ «جارتەپا»، «كۋشكەنت»، «ۇشتۇرعان»،  «حاۆاستاباد»، «باكاباد»، «پاپ»، «راۆات»، «گۇلباحور» وتكىزۋ بەكەتتەرى مەن وزبەكستاننىڭ سۋرحانداريا وبلىسى مەن تاجىكستاننىڭ حاتلون وبلىسىن بايلانىستىراتىن «امۋزانگ» تەمىر جول  بەكەتى جۇمىسىن باستادى. بۇدان بولەك سامارقانت وبلىسىنداعى ۇرگۇت پەن جارتەپ ەلدى مەكەندەرىن پەنجيكەنتپەن جالعايتىن قوسىمشا شەكارا بەكەتى ىسكە قوسىلعان.

جىل باسىنان بەرى يسلام كارىموۆتىڭ نۇسقاۋىمەن جابىلىپ قالعان «اندارحان-پاتار» جانە «كۋشتەگيرمون» وتكىزۋ بەكەتتەرى جۇمىسىن قايتا جانداندىرعان. جالپى، 2010 جىلدان وسى ۋاقىتقا دەيىن وزبەك-تاجىك شەكاراسىندا تەك ەكى عانا وتكىزۋ بەكەتى جۇمىس ىستەپ كەلگەن.

“The Qazaq Times”