فوتو: mfa.kz

2018 جىلعى 17-27 ناۋرىز ارالىعىندا الماتى قالاسىندا قر مادەنيەت جانە سپورت مينيسترلىگىنىڭ قولداۋىمەن «قازاقكونتسەرت» مەملەكەتتىك كونتسەرتتىك ۇيىمى «Astana Musical» تەاترىنىڭ گاسترولدەرى وتەدى.

«Astana Musical» – ەلىمىزدەگى تۇڭعىش مامانداندىرىلعان ميۋزيكل تەاترى. ەلوردالىق تەاتر زامانۋي باعىتتارعا نەگىزدەلىپ، وتاندىق ميۋزيكلدەردىڭ بىرەگەي رەپەرتۋارىنىڭ ورتالىعىنا اينالدى. تەاتردىڭ كوركەمدىك جەتەكشىسى - قازاقستاننىڭ ەڭبەك سىڭىرگەن قايراتكەرى اسحات ماەميروۆ. ميۋزيكل قويىلىمدارىندا شالقاروۆا جارقىناي، مۇقاشەۆ سالامات، ريزابەكوۆا ينابات، يگىلىك ورازالى، ۋسمانوۆ راسۋل سىندى بەلگىلى ارتىستەر ونەر كورسەتەدى.

استاناداعى تەاتر 23, 24, 27 ناۋرىز كۇندەرى العاش رەت قازاق تىلىندە ءۇن قاتقان دۇنيەجۇزىنە بەلگىلى ميۋزيكل - «رومەو ي دجۋلەتتا» قويىلىمىن كورسەتەدى. شىعارمانىڭ نەگىزىنە ۋيليام شەكسپيردىڭ كلاسسيكالىق پەساسى بويىنشا جازىلعان جەرار پرەسگيۋرۆيكتىڭ فرانتسۋز ميۋزيكلى ارقاۋ بولدى. ايگىلى رومەو مەن دجۋلەتتا وقيعاسىن سۋرەتتەيتىن ميۋزيكل ادام بويىنداعى قاندى كەك پەن قىزعانىشتى، مەنمەنشىلدىك پەن پەندەشىلىك سىندى قاسيەتتەردى جەڭگەن ءمولدىر ماحاببات تۋرالى بولماق.

ناۋرىزدىڭ 25-ىندە «Astana Musical» تەاترى قالا تۇرعىندارى مەن قوناقتارىنىڭ نازارىنا «دوستار سەرتى» ميۋزيكلىن ۇسىنادى. ميۋزيكل جەلىسى 60-70-جىلدار كەزەڭىندە ءوربىپ، ەلىمىزدىڭ ءار وڭىرىنەن ارمان قۋىپ كونسەرۆاتورياعا وقۋعا كەلىپ، ءبىر قالادا توعىسقان ءتورت ابيتۋريەنت جىگىتتىڭ باسىنان كەشكەن قىزىقتى وقيعالارىن، جالىنداعان جاستىق شاقتارىن، ادال دوستىق پەن ناعىز ماحاببات حيكايالارىن باياندايدى. اتالمىش ميۋزيكلگە قازاق مۋزىكاسىنىڭ «التىن قورىنا» ەنگەن ش.قالداياقوۆ، ە.حاسانعاليەۆ جانە «دوس-مۇقاسان» توبىنىڭ اندەرى، الەمدىك مۋزىكانىڭ جارىق جۇلدىزى فرانكەل مەن «بيتلز» توبىنىڭ رەپەرتۋارىنداعى شىعارمالار ارقاۋ بولماق.

26 ناۋرىز كۇنى تەاتر ارتىستەرى ەلىمىزدىڭ رۋحاني قۇندىلىقتارىنا اينالعان حالىق اندەرى مەن كومپوزيتورلارىنىڭ شىعارمالارى، ۇلتتىق وپەرامىز بەن كلاسسيكالىق مۋزىكامىزدىڭ ءىنجۋ-مارجاندارى نەگىزىندە جاسالعان «قىز جىبەك» ميۋزيكلىنساحنالايدى. اتالعان ميۋزيكل «جاھانداعى زاماناۋي قازاقستاندىق مادەنيەت» جوباسىشەڭبەرىندە2017 جىلعى جەلتوقسان ايىندا فرانتسيا، بەلگيا، اۆستريا، رەسەي مەملەكەتتەرىندە ساحنالانىپ، شەتەلدىك تالعامپاز كورەرمەننىڭ قوشەمەتىنە بولەنگەن.

بۇعان قوسا، استانالىق تەاتر 24 ناۋرىز جانە 26 ناۋرىز كۇندەرى مۇقاعالي ماقاتاەۆتىڭ اسەمدىككە، ەلجاندىلىققا تاربيەلەيتىن شىعارمالارىنا نەگىزىندەلگەن تىڭ دۇنيە –«جىرلايدى جۇرەك» اتتى ادەبي-سازدى كەشتى كورەرمەن نازارىنا ۇسىنادى.

بيلەتتەردى مۇحتار اۋەزوۆ اتىنداعى قازاق اكادەميالىق دراما تەاترىنىڭ كاسساسىنان جانە "تيكەتون" سايتىنان ساتىپ الۋعا بولادى.

“The Qazaq Times”