مىسىردىڭ سولتۇستىگىندە ەكى پويىزدىڭ سوعىسۋىنان كەمىندە 15 ادام قايتىس بولدى، - دەپ حابارلايدى Al Jazeera اقپاراگ اگەنتتىگى.

بەحەيرا ايماعىندا جۇك جانە جولاۋشىلار پويىزدارىنىڭ سوقتىعىسۋىنان تاعى 40 ادام اۋىر جاراقات الدى.

مىسىر حالقى ۇكىمەتتىڭ پويىز جولاۋشىلارىنىڭ قاۋىپسىزدىگىن قاجەتتى دەڭگەيدە قامتاماسىز ەتپەيتىندىگىن، تەمىر جول تالاپتارىن ورىندامايتىنىن بۇرىننان ايتىپ كەلە جاتىر. مىنا جاعداي جەرگىلىكتى حالىقتىڭ ودان سايىن اشۋىن كەلتىردى.

دەنساۋلىق ساقتاۋ مينيسترلىگىنىڭ وكىلى الاا وتمان (Alaa Othman ) "بارلىق قۇربانداردىڭ دەنەلەرى مەن جاراقات العاندار وقيعا ورنىنان الىستاتىلدى" دەدى.

مىسىردا جول اپاتى ءجيى بولىپ تۇرادى. وتكەن جىلدىڭ تامىز ايىندا الەكساندريا ماڭىندا ەكى پويىز سوعىسىپ، 41 ادام قايتىس بولعان. ال 2013 جىلدىڭ قاراشا ايىندا كايردىڭ وڭتۇستىگىندە پويىز بەن اۆتوبۋس سوعىسىپ، 27 ادام قازا تاپتى. 2002 جىلى پويىز ورتەنىپ، 373 ادام قايتىس بولدى.

مەملەكەتتىك ستاتيستيكالىق اگەنتتىكتىڭ مالىمەتىنشە، وتكەن جىلى 1249 جول اپاتى بولعان. 2009 جىلى 1577 جول اپاتى بولعان ەكەن.

“The Qazaq Times”