مىسىردا «انادولى» اقپاراتتىق اگەنتتىگىنە شابۋىل جاسالعان

مىسىر قاۋىپسىزدىك كۇشتەرى كاير قالاسىنداعى تۇركيانىڭ «انادولى» اقپاراتتىق اگەنتتىگىنىڭ بولىمشەسىنە باسىپ كىرىپ، 1 تۇركيالىقتى قامتىعان 4 قىزمەتكەردى تۇتقىنداعان. وسىعان بايلانىستى تۇركيا پرەزيدەنتىنىڭ ءباسپاسوز قىزمەتى، ءسىم تارابى جانە كاممۋنيكاتسيا باسقارماسى مىسىرعا ايىپتاۋ حاتىن جولدادى.

«كايرداعى بولىمشەگە شابۋىل جاساپ، قىزمەتكەرلەردى قاماۋعا الۋ مىسىردىڭ توڭكەرىسشىل ۇكىمەتىنىڭ السىزدىگىن كورسەتەدى»، – دەگەن تۇركيا كوممۋنيكاتسيا باسقارماسىنىڭ توراعاسى فاحرەتتين التۋن.

تۇركيا سىرتقى ىستەر مينيسترلىگى كايرعا ايىپتاۋ حاتىن جىبەردى جانە تۇركياداعى مىسىر ەلشىسى تۇسىنىك بەرۋگە شاقىرىلعان.

بۇل ىسكە قاتىستى مىسىر قاۋىپسىزدىك قىزمەتى مالىمدەمەسىندە ۇلتتىق قاۋىپسىزدىككە جانە قۇقىق بۇزۋشىلىق ارەكەتتەرىنە بايلانىستى اتالعان اگەنتتىك قىزمەتكەرلەرى تۇتقىندالعانىن مالىمدەگەن.

“The Qazaq Times”