فوتو: ۋنيۆەرسيتەت "تۋران"

الماتى قالاسى بويىنشا مەملەكەتتىك ىستەر اگەنتتىگى دەپارتامەنتىنىڭ وكىلدەرى قالاداعى جەمقورلىق جوق ۋنيۆەرسيتەتتەردىڭ اتىن اتادى. 

"جەمقورلىق مۇلدە جوق ۋنيۆەرسيتەت رەتىندە ءال-فارابي اتىنداعى قازۇۋ-دى، نارحوزدى اتاي الامىن. مەن ءوزىم بارىپ، بۇل ۋنيۆەرسيتەتتەردە قابىلدانعان شارالارمەن تانىستىم. بارلىعى اۆتوماتتاندىرىلعان، شەشىمدەر ارىپتەس ورگاندارعا بەرىلگەن",- دەدى قر مەملەكەتتىك  قىزمەت  ىستەرى  جانە  سىبايلاس  جەمقورلىققا قارسى ىس-قيمىل اگەنتتىگىنىڭ الماتى قالالىق دەپارتامەنتىنىڭ جەتەكشىسى ايگۇل بايحانوۆا.

ونىڭ سوزىنشە، قازۇۋ-دا جاتاقحانا ورىندارىنان باستاپ، ستۋدەنتتەردى حالىقارالىق وقۋعا جىبەرۋ جۇمىستارىنا دەيىن اۆتوماتتاندىرىلعان.

"نارحوزدا دا وسىلاي ىستەلگەن. ولاردا بارلىق ەمتيحاندار ۆيدەوباقىلاۋ ارقىلى وتكىزىلەدى. ەمتيحاندى ستۋدەنتتەرگە لەكتسيا وقىعان وقىتۋشىلار ەمەس، باسقالارى قابىلدايدى", - دەدى بايحانوۆا.

“The Qazaq Times”