ريچارد اپپيا اكوتو (Richard Appiah Akoto) ەسىمدى مۇعالىم وقۋشىلارعا اقپاراتتاندىرۋ ساباعىندا "جوقتان بار جاساپ" ءجۇر، - دەپ حابارلادى CNN اقپارات اگەنتتىگى.
گانادا وقۋشىلار "اقپاراتتىق جانە كوممۋنيكاتسيالىق تەحنولوگيالار" ساباعىنان سۇراقتار كەزدەسەتىن ۇلتتىق ەمتيحاننان ءوتۋى كەرەك. ال 2011 جىلدان بەرى جەرگىلىكتى مەكتەپتە كومپيۋتەر اتاۋلىسى بولماعان.
اكوتو كومپيۋتەردىڭ جوقتىعىنا قاراماستان، ساباق ءوتۋدىڭ باسقاشا ءادىسىن ويلاپ تاپتى. ول كومپيۋتەر فۋنكتسيالارى مەن باعدارلامالىق جاساقتامانى ءتۇرلى ءتۇستى بورمەن تاقتاعا سالادى.
"كومپيۋتەرگە وتىرعاندا قانداي تەرەزە پايدا بولاتىنىن كورىپ، بىلسە دەپ ەدىم. قولىمنان كەلگەنشە وقۋشىلاردىڭ وسى پانگە دەگەن قىزىعۋشىلىعىن وياتقىم كەلەدى", - دەيدى اكوتو.
جوعارىداعى سۋرەتتە اپپيا اكوتونىڭ تاقتاعا Microsoft Word-تى بەينەلەپ جاتقان ءساتى كورسەتىلگەن.
اكوتونىڭ وقۋشىلارى: "بىزگە وسىلاي ساباقتى ءتۇسىنۋ وڭايىراق. مۇعالىم پەرنەتاقتا، جۇيەلىك بلوك، تىشقان - بارلىعىن سالىپ كورسەتتى", - دەيدى.
گانادا جوعارى سىنىپقا ءوتۋ ءۇشىن 14-15 جاستاعى بالالارعا جازباشا ەمتيحاندى ءساتتى تاپسىرۋ كەرەك. اكوتونىڭ ءبىر عانا وقۋشىسى جوعارى مەكتەپكە تۇسە الدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟