قورداي اۋدانى گۆاردەيسكي اسكەر كەنتى. كورنەكى سۋرەت. فوتو: اشىق دەرەككوز

جامبىل وبلىسى قورداي اۋدانىندانى گۆاردەيسكي  كەنتىندەگى اسكەري بولىمدە مەرزىمدى اسكەري بورىشىن اتقارىپ جۇرگەن سارباز كازارمانىڭ ءتورتىنشى قاباتىنان سەكىرىپ، مەرت بولدى. بۇل اقپاراتتى بۇگىن، 21 مامىردا قورعانىس مينيسترلىگىنىڭ مالىمەتىنە سۇيەنگەن Tengrinews.kz سايتى حابارالدى.

"82796 اسكەري بولىمدە مەرزىمدى اسكەري قىزمەت اتقارىپ جۇرگەن جاۋىنگەر سۋيتسيد جاساپ، كازارمانىڭ ءتورتىنشى قاباتىنان سەكىردى. رەانيماتسيا شارالارىنا قاراماستان 20 مامىردا ەسىن جيماعان كۇيى كوز جۇمدى. قورعانىس مينيسترلىگى قايتىس بولعان جىگىتتىڭ تۋىستارى مەن جاقىندارىنا كوڭىل ايتادى" دەلىنگەن قورعانىس مينيسترلىگىنىڭ حابارلاماسىندا.

اقپاراتقا قاراعاندا مارقۇم 2021 جىلى ءساۋىر ايىندا اسكەرگە شاقىرتىلعان. 15 مامىردا اسكەري انت قابىلداعان.

ۆەدومستۆو قۇقىق قورعاۋ ورگاندارىنىڭ تەرگەۋ جۇرگىزىپ جاتقانىن، تەرگەۋ قۇپيالىلىعىنا بايلانىستى قالعان اقپارات ايتىلمايتىنىن حابارلادى.

"The Qazaq Times"