ءسۇريا مەن ونىڭ وداقتاستارى داماسك ماڭىنداعى شىعىس گۋتانى شابۋىلداعالى بەرى 400 مىڭعا جۋىق ادام زارداپ شەگۋدە. شابۋىلدىڭ ماقساتى - وسى ايماقتى 5 جىل كولەمىندە باسقارىپ كەلە جاتقان بۇلىكشىلەردەن بوساتۋ، - دەپ مالىمدەدى Al Jazeera اقپارات اگەنتتىگى.
شىعىس گۋتا استانا ماڭىنداعى بۇلىكشىلەردىڭ نەگىزگى شوعىرلانعان مەكەنى بولىپ سانالادى. سول سەبەپتى ءسۇريا ۇكىمەتى 2013 جىلدان بەرى وسى ايماققا شابۋىل جاساۋدى توقتاتقان ەمەس. ازىق-تۇلىك پەن ءدارى-دارمەكتىڭ جەتىسپەۋى جەرگىلىكتى حالىقتىڭ دەنساۋلىعىنا وتە قاتتى اسەر ەتتى.
تۇركيا، رەسەي مەن يران 2017 جىلى شىعىس گۋتانى "دەەسكالاتسيا ايماعى" دەپ بەلگىلەدى. ال "دەەسكالاتسيا ايماعىندا" ەشقانداي سوعىس بولماۋ كەرەك.
19 اقپان كۇنى رەسەيلىك اسكەري ۇشاقتاردىڭ كومەگىمەن سۇريالىق اسكەر شىعىس گۋتانى بومبالاي باستادى. ناتيجەسىندە جۇزدەگەن ادام قايتىس بولىپ، 6 اۋرۋحانا مەن مەديتسينالىق ورتالىقتار قيرادى.
ءسۇريانىڭ ازاماتتىق قورعانىس قۇتقارۋشىلارى "جەرگىلىكتى حالىق اراسىندا ۋلى حلور گازدان ۋلانعاندار بايقالادى" دەپ مالىمدەگەن بولاتىن. بىراق رەسەيدىڭ ءسىم-ءى سەرگەي لاۆروۆ گازعا بايلانىستى اقپاراتتى "جالعان" دەدى.
26 اقپانعا دەيىنگى سوڭعى 3 اي ىشىندە شىعىس گۋتادا 700-دەن استام ادام قايتىس بولدى. ونىڭ ىشىندە 185-ءى بالا، 109-ى ايەل. داماسكتان 10 شاقىرىم جەردە ورنالاسقان شىعىس گۋتانىڭ 400 مىڭ حالقىنىڭ جارتىسىنا جۋىعى 18-گە تولماعان بالالار.
ءسۇريا ۇكىمەتى "تەرروريستەر ادامداردى وزدەرىنە قالقان رەتىندە پايدالانادى" دەپ مالىمدەپ وتىر.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى