foto: theatlantic.com

Süriya men onıñ odaqtastarı Damask mañındağı Şığıs Gutanı şabuıldağalı beri 400 mıñğa juıq adam zardap şegude. Şabuıldıñ maqsatı - osı aymaqtı 5 jıl köleminde basqarıp kele jatqan bülikşilerden bosatu, - dep mälimdedi Al Jazeera aqparat agenttigi.

Şığıs Guta astana mañındağı bülikşilerdiñ negizgi şoğırlanğan mekeni bolıp sanaladı. Sol sebepti Süriya ükimeti 2013 jıldan beri osı aymaqqa şabuıl jasaudı toqtatqan emes. Azıq-tülik pen däri-därmektiñ jetispeui jergilikti halıqtıñ densaulığına öte qattı äser etti.

Türkiya, Resey men Iran 2017 jılı Şığıs Gutanı "deeskalaciya aymağı" dep belgiledi. Al "deeskalaciya aymağında" eşqanday soğıs bolmau kerek.

19 aqpan küni reseylik äskeri wşaqtardıñ kömegimen süriyalıq äsker Şığıs Gutanı bombalay bastadı. Nätijesinde jüzdegen adam qaytıs bolıp, 6 auruhana men medicinalıq ortalıqtar qiradı.

Süriyanıñ azamattıq qorğanıs qwtqaruşıları "jergilikti halıq arasında ulı hlor gazdan ulanğandar bayqaladı" dep mälimdegen bolatın. Biraq Reseydiñ SİM-i Sergey Lavrov gazğa baylanıstı aqparattı "jalğan" dedi.

26 aqpanğa deyingi soñğı 3 ay işinde Şığıs Gutada 700-den astam adam qaytıs boldı. Onıñ işinde 185-i bala, 109-ı äyel. Damasktan 10 şaqırım jerde ornalasqan Şığıs Gutanıñ 400 mıñ halqınıñ jartısına juığı 18-ge tolmağan balalar.

Süriya ükimeti "terrorister adamdardı özderine qalqan retinde paydalanadı" dep mälimdep otır.

“The Qazaq Times”