ترامپ ۇكىمەتى. فوتو: The Immoral Minorit.

وتكەن اپتانىڭ سوڭىندا ترامپ ۇكىمەتى سولتۇستىك كورەياعا باعىتتالعان تاريحتاعى ەڭ ۇلكەن سانكتسيانى ەنگىزەتىنىن مالىمدەگەن بولاتىن. سانكتسيا قاراۋىلىنا نەشە ونداعان جۇك تاسىمال جانە ساۋدا كومپانيالارى ءىلىنىپ وتىر. بۇل كومپانيالارعا سانكتسيا سالۋ ارقىلى يادرولىق باعدارلاماعا كومەك كورسەتە الاتىن بارلىق كىرىستەردى قىسقارتىپ تاستاماق. بۇل تۋرالى WSJ باسىلىمىنىڭ رەسمي سايتى حابارلاعان.

اقش ۇكىمەتىنىڭ جاڭا سانكتسياسىندا 60 كومپانيامەن قوسا، جەكە ادامدار مەن كەمەلەر دە بار. وسىدان-اق، كەزەكتى سانكتسيانىڭ سالماعىن باعامداۋعا بولادى. ترامپ ۇكىمەتى بۇلاردىڭ سولتۇستىك كورەياعا كومىر ەكسپورتى جانە مۇناي ونىمدەرى يمپورتىنا حالىقارالىق ەمبارگونى اينالىپ وتۋگە كومەكتەسكەنىن ايتادى.

اقش قازىنا دەپارتامەنتىنىڭ رەسمي وكىلى بۇل سانكتسيالار كيم جوڭ ۋن (كيم چەن ىن) رەجيمىنىڭ تەڭىزدەگى ارەكەت ەتۋ جىگەرىن تومەندەتىپ، يادرولىق باعدارلاماسى مەن بالليستيكالىق زىمىرانداردى دامىتۋىنا ۇلكەن كەدەرگى كەلتىرەدى.

كەزەكتى سانكتسيا تىزىمىنە قىتايدىڭ بىلتىر جەلتوقسان ايىندا بۇۇ تاراپىنان سانكتسيا سالىنعان كەمەلەرىن قامتىعان كوپتەگەن جۇك تاسىمال كەمەلەرى كىرگەن.

“The Qazaq Times”