وزبەكستاننىڭ ەكس-باس پروكۋرورى راشيد كادىروۆ.

وزبەكستان قۇزىرلى ورگاندارى بۇرىنعى باس پروكۋرور راشيد كادىروۆتىڭ ۇستالعانىن راستادى.

وزبەكستان باس پروكۋراتۋراسى تاراتقان مالىمەت بويىنشا، راشيد كادىروۆتىڭ ۇستىنەن وزبەكستان قىلمىستىق كودەكسىنىڭ 165 (بوپسالاۋ), 205 (قىزمەتىن اسىرا پايدالانۋ) جانە 210 (اسا ءىرى كولەمدە پارا الۋ) باپتارى بويىنشا قىلمىستىق ءىس قوزعالعان. «ۋزمەترونوم» باسىلىمىنىڭ حابارلاۋىنشا، راشيد كادىروۆتى وزبەكستان شەكارا قىزمەتى ساقشىلارى 22 اقپان كۇنى تاشكەنت اۋەجايىندا ۇستاعان ەلدەن كەتەيىن دەپ تۇرعان جەرىنەن ۇستاعان. ال ونىڭ ۇلى الىشەر كادىروۆ وسىدان ون كۇن بۇرىن ەلدەن كەتىپ قالعان.

جالپى، شاۆكات ميرزيەەۆ بيلىك باسىنا كەلگەلى بەرى وزبەكستان جوعارى بيلىك ەليتاسىندا «تازارتۋ» جۇمىستارى جۇرگىزىلۋدە. بۇعان دەيىن ۇلتتىق قاۋىپسىزدىك قىزمەتىنىڭ باسشىسى رۋستام ينوياتوۆتى قىزمەتىنەن بوساتىلىپ، بۇرىنعى ىشكى ىستەر ءمينيسترى ادحام احمەتوۆ تۇتقىندالعان.

“The Qazaq Times”