دايش ۇيىمىنان يزرايلدە جاسالعان قارۋ-جاراق تابىلدى

"باشار اساد اسكەرى تاراپىنان دەير ءاز-زور ەلدى مەكەنىندە ۇيىمداستىرىلعان وپەراتسيالاردا حيميالىق زاتتار مەن يزرايلدە جاسالعان قارۋلاردىڭ تابىلعانى جاريا بولدى", - دەپ حابارلايدى yeniakit.com اقپارات سايتى.

اساد كۇشتەرىنە قاراستى اسكەري ۇيىمداردىڭ شام رەجيمىنىڭ اقپارات اگەنتتىگى ساناعا (SANA) بەرگەن مالىمەتىنە قاراعاندا، دەير ءاز-زور ەلدىمەكەنىنە قاراستى مەيادين ايماعىندا دايش تەررورلىق ۇيىمىنا قارسى اسكەري وپەراتسيالار جاسالعان. وپەراتسيا بارىسىندا قولعا تۇسكەن ايماقتاردا اتىس قيمىلدارى دا جۇرگىزىلگەنى ءمالىم بولدى. سونىمەن قاتار، دايش تەررورلىق ۇيىمىنا تيەسىلى كەيبىر قويمالاردا يزرايلدە جاسالعان قارۋلاردىڭ تابىلعانى تۋرالى حابار تاراۋدا. وسى وقيعاعا قاتىستى بەينەكورىنىستەرمەن بولىسكەن اساد كۇشتەرى اسىرەسە دايش قويمالارىندا قارۋ جاساۋ ءۇشىن پايدالانۋ ماقساتىندا دايىندالعان حيميالىق جانە ۋلى زاتتار تابىلعانىن ايتتى.

“The Qazaq Times”