اقش رەسەيدى سايلاۋعا ارالاستى دەپ ايىپتادى. فوتو:Fossbytes.

اق ءۇي لاۋازىمدىلارىنىڭ ايتۋىنشا، ترامپ ۇكىمەتى رەسەيگە قارسى سانكتسيانى كۇشەيتىپ، قاراشادا بولاتىن پارلامەنت سايلاۋىنا ارالاستىرماۋعا دايىندالىپ وتىر. بۇل تۋرالى VOA اقپاراتتىق پورتالى حابارلادى.

رەسەيگە 2016 جىلعى اقش پرەزيدەنت سايلاۋىنا ارالاستى دەگەن ايىپ تاعىلعان بولاتىن. اقش-تىڭ رەسپۋبليكاشىلدار جانە دەموكراتتار پارتيالارى پرەزيدەنت ترامپتى "رەسەيگە قارسى كونگرەسس بەكىتكەن سانكتسيانى تولىق ىسكە اسىرمادى دەپ ايىپتادى. اق ءۇيدىڭ رەسمي وكىلدەرى بەرگەن جاۋابىندا دايىندالعان زاڭ جوباسىنىڭ اعاتتىقتارىنان سانكتسيانىڭ باياۋ ءجۇرىپ جاتقانىن ايتتى. بۇل تۋرالى ناقتى جاۋاپ بەرۋدەن باس تارتقان.

اقش ۇلتتىق ساراپتاما ورتالىعىنىڭ جەتەكشىسى زاڭ شىعارۋشى وكىلدەرگە ايتقان سوزىندە: "رەسەي بولسا 2016 جىلعى اقش-تىڭ پرەزيدەنت سايلاۋىنا ارالاسۋ ءىسى ءساتتى بولدى دەپ قاراپ، بيىل قاراشا ايىندا بولاتىن پارلامەنت سايلاۋىنا دا دايىندالىپ وتىر", – دەپ ەسكەرتتى.

كەشە بۇل تاقىرىپ تۋرالى سوزگە تارتقاندا پرەزيدەنت ترامپ: "2016 جىلى اقش پرەزيدەنت سايلاۋىنا رەسەيدىڭ ارالاسۋىنا وباما ۇكىمەتى نە ءۇشىن جول بەرىپ، قاراپ وتىردى؟" – دەگەن سۇراق ارقىلى ءوز كوزقاراسىن ءبىلدىردى.  

 “The Qazaq Times”