فوتو: aljazeera.com

مىسىر اسكەرى سيناي تۇبەگىنىڭ سولتۇستىگىندەگى وپەراتسيا كەزىندە 16 ادامدى مەرت قىلىپ، 30-دان استامىن اباقتىعا جاپتى، - دەپ حابارلايدى Al Jazeera اقپارات اگەنتتىگى.

اسكەري قىزمەت حاتشىسى تامەر ريفايدىڭ (Tamer Rifai) ايتۋىنشا، اۋە شابۋىلى كەزىندە اسكەري تەحنيكا، قۇرال-جابدىق، قارۋ-جاراق قويمالارى جانە بايلانىس ورتالىقتارىن قوسقاندا جالپى 66 نىسان جويىلدى.

مىسىر قاۋىپسىزدىكتى قامتاماسىز ەتۋ ماقساتىنداعى اۋە-قۇرلىقتاعى كۇشتەر مەن اسكەردى قامتىعان "جان-جاقتى" وپەراتسيانى جۇما كۇنى باستاپ كەتتى.

مىسىر بىرنەشە جىل بويى تۇبەكتەگى انتيۇكىمەتتىك قارۋلى توپتارمەن كۇرەسىپ كەلەدى. ال 2013 جىلى اسكەريلەردىڭ دەموكراتيالىق جولمەن سايلانعان موحامەد ءمورسيدى (Mohamed Morsi ) بيلىكتەن الىستاتۋى بۇل جاعدايدى تەك ۋشىقتىرىپ جاتىر.

2017 جىلدىڭ قاراشاسىندا سيناي تۇبەگىنىڭ سولتۇستىگىندەگى بير ال-ابەد (Bir al-Abed) قالاسىنداعى مەشىتكە جاسالعان قارۋلى شابۋىل مەن بومبالاۋ كەزىندە كەمىندە 235 ادام مەرت بولدى.

سودان كەيىن پرەزيدەنت ابدەل فاتتاح ەل-سيسي ( Abdel Fattah el-Sisi) "كۇش قولدانىپ بولسا دا" ايماقتى تارتىپكە كەلتىرۋگە 3 اي ۋاقىت بەردى.

مىسىردا كەلەسى ايدا وتەتىن سايلاۋدا سيسي جەڭىسكە جەتەتىنىنە سەنىمدى بولىپ وتىر.

“The Qazaq Times”