ءححىىى قىسقى وليمپيادا ويىندارىنا بارعان سولتۇستىك كورەيا جانكۇيەرلەرى.

ءححىىى قىسقى وليمپيادا ويىندارىنا بارعان سولتۇستىك كورەيا دەلەگاتسياسىنىڭ شىعىنىن وڭتۇستىك كورەيا تولەيدى.

جەرگىلىكتى باق وكىلدەرىنىڭ مالىمەتىنشە، 9 اقپان كۇنى پيوڭچاڭ قالاسىنا ءححىىى قىسقى وليمپيادا ويىندارىنا قاتىسۋعا كەلگەن سولتۇستىك كورەيا دەلەگاتسياسىنىڭ شىعىنىن وڭتۇستىك كورەيا بيلىگى تولەيدى. سولتۇستىك كورەيادان كەلگەن 424 ادامنىڭ جاتار ورنى مەن ءجۇرىپ-تۇرۋىنا وڭتۇستىك كورەيا بيۋدجەتىنەن 2,64 ميلليون دوللار قارجى بولىنگەن. اتالمىش قارجىعا وليمپيادا ويىندارىنىڭ اشىلۋ سالتاناتىنا كەلگەن كحدر باسشىسى كيم جوڭ ۋننىڭ قارىنداسى كيم يو جوڭ باستاعان رەسمي دەلەگاتسيانى كۇتىپ الۋعا كەتكەن شىعىن كىرمەگەن.

ەستەرىڭىزگە سالايىق، 10 اقپان كۇنى وڭتۇستىك كورەيا پرەزيدەنتى مۋن جاين سولتۇستىك كورەيا دەلەگاتسياسىن قابىلداعان. وندا ول كحدر جوعارى پرەزيديۋمىنىڭ توراعاسى كيم ەن نام مەن سولتۇستىك كورەيا باسشىسى كيم جوڭ ىننىڭ قارىنداسى كيم يو جوڭمەن كەزدەسكەن. بۇل كورەي سوعىسىنان كەيىن جوعارى لاۋازىمدى ساياساتكەرلەردىڭ قاتىسۋىمەن بولعان ەڭ العاشقى كەزدەسۋ جانە كيم جوڭ ىن وتباسى مۇشەلەرىنىڭ وڭتۇستىك كورەياعا جاساعان تۇڭعىش رەسمي ءىس-ساپارى.

“The Qazaq Times”