قازاق-وزبەك شەكارا بەكەتتەرىنىڭ سانى ارتپاق

قازاقستاننىڭ وزبەكستانمەن شەكاراسىندا قوسىمشا ەكى تەكسەرۋ جانە وتكىزۋ بەكەتى سالىنادى دەپ حابارلادى centralasian.org قارجى ءمينيسترى باقىت سۇلتانوۆتىڭ مالىمدەمەسىنە سۇيەنىپ.

استاناداعى ۇكىمەت جيىنىندا سويلەگەن سۇلتانوۆ قازاق-وزبەك شەكاراسىندا تاۋار اينالىمىنىڭ ارتۋىنا بايلانىستى جانە وزبەكستان ۇكىمەتىمەن اراداعى كەلىسىم بويىنشا قوسىمشا «سىرداريا» جانە «تسەليننىي» دەپ اتالاتىن ەكى تەكسەرۋ جانە وتكىزۋ بەكەتى اشىلاتىنىن ايتتى. ول بەكەتتەردە شامامەن 120-دان استام ادام جۇمىس ىستەمەك. بۇعان قوسا ءۇش تەكسەرۋ جانە وتكىزۋ بەكەتى ەندى تاۋلىك بويى جۇمىس ىستەيدى.

مينيستر سونىمەن قاتار قۇرىق جاڭا تەڭىز پورتىنداعى وتكىزۋ بەكەتتەرىن تولىق جاساقتاپ، تاۋلىك بويى جۇمىس ىستەۋ رەجيمىنە كوشىرۋ كەرەگىن ايتتى.

“The Qazaq Times”