<> on March 5, 2015 in Beijing, China.

حالىقارالىق ادۆوكاتتار قاۋىمداستىعى ادام قۇقىقتارى ينستيتۋتى قىتاي توراعاسى شي جينپيڭگە (Xi Jinping) قۇقىق قورعاۋشىلاردى قۋدالاۋ مەن تۇتقىنداۋدى توقتاتۋعا شاقىرىپ، اشىق حات جولدادى. ولار وسىعان دەيىن قىتايدا كوپتەگەن قۇقىق قورعاۋشى قىزمەتكەرلەردىڭ ديسكۆاليفيكاتسياسى بولعانىن العا تارتۋدا. بۇل تۋرالى VOA-Chinese اقپاراتتىق سايتى حابارلادى.

قحر توراعاسى شي جينيڭگە جازىلعان اشىق حاتتا اتالعان ينستيتۋتتىڭ تەڭ توراعاسى حانس كولە جانە بۇرىنعى اۋستراليالىق سۋديا ميحاەل دجوردا،  باسقا دا وكىلدەرى قىتايداعى زاڭگەرلىك مىندەتتەردى ورىنداۋ كەزىندە ادۆوكاتتارعا ۇكىمەتتىڭ زاڭسىز ارالاسۋ ىستەرىنە الاڭداۋشىلىق بىلدىرگەن.

اشىق حاتتا ەكى ءتۇرلى ماسەلە ورتاعا قويىلعان: ءبىرىنشىسى، ۋەن شىڭ (wen sheng/文生) اتتى ادۆوكاتتى زاڭسىز قاماۋدى توقتاتۋ; ەكىنشىسى، ادۆوكات سۋي مۋچيڭنىڭ (Sui Muqing/隋牧青) ادۆوكاتتىعىن الىپ تاستاۋ ارەكەتىن توقتاتۋ.

اشىق حاتتا ۇكىمەتتىڭ قحر زاڭىن قورعاپ، ۇكىمەت بيلىگىن اسىرا پايدالانباۋىن، قۇقىق قورعاۋ قىزمەتكەرلەرىن قۋدالاۋ ءىسىنىڭ قىتاي ۇكىمەتىنىڭ بەدەلىنە ساي ەمەستىگىن ايتقان. سونىمەن بىرگە اتالعان ەكى ادۆوكاتتى وزدەرىنىڭ زاڭگەرلىك مىندەتتەرىن عانا اتقارعانىن العا تارتتى.

“The Qazaq Times”