وار پرەزيدەنتى جەيكوب زۋما.

وڭتۇستىك افريكا رەسپۋبليكاسىنىڭ پرەزيدەنتى جەيكوب زۋماعا بيلىك باسىنان كەتۋگە 48 ساعات ۋاقىت بەرىلدى – دەپ حابارلايدى SABC تەلەارناسى.

تەلەارنا مالىمەتىنشە، وڭتۇستىك افريكا رەسپۋبليكاسىن باسقارۋشى افريكا ۇلتتىق كونگرەسى پارتياسى ەل پرەزيدەنتى جەيكوب زۋماعا بيلىك باسىنان كەتۋگە 48 ساعات ۋاقىت بەرگەن. 2017 جىلدىڭ جەلتوقسان ايىندا باق بەتتەرىندە افريكا ۇلتتىق كونگرەسى پارتياسىنا كەلگەن جاڭا كوشباسشى سيريل راماپوسا مەن جەيكوب زۋما ورىن الماسۋدا دەگەن اقپارات تاراعان. بىراق وسى ۋاقىتقا دەيىن زۋما ءوز ورنىن راماپوساعا بوساتىپ بەرمەگەن.

جەيكوب زۋما بيلىك باسىنا 2009 جىلى كەلگەن. ونىڭ ۇستىنەن 2016 جىلدان بەرى قىلمىستىق ءىس قوزعالۋدا. تەكسەرۋ جۇمىستارى بارىسىندا ونىڭ 738 جەمقورلىق ىسكە قاتىسى بار ەكەندىگى انىقتالعان.

“The Qazaq Times”